1441 йил 6 шаъбон | 2020 йил 30 март, душанба
Минтақа:
ЎЗ UZ RU EN AR
Мақолалар

Биз мўминмизми?

15:00 / 23.05.2019 2285 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Шайх Мутаваллий Шаъровий ҳикоя қиладилар:

Сан-Францискода эканимда шарқшунослардан бири сўради:

– Қуръонингиздаги ҳамма нарса саҳиҳ – тўғрими?

– Албатта ҳа! – дея жавоб қилдим. У яна сўради:

Қуръонда «Аллоҳ ҳаргиз кофирларга мўминлар устидан йўл бермас», деган оят бўла туриб, нега мўминлар устидан кофирларга йўл берди? Яъни, уларни мўминлардан ғолиб қилди?

Мен жавоб қилдим:

– Биз муслим-мусулмонлармиз, мўминлар эмас. У ваъда мўминлар учун.

Яна сўради: – Мўминлар билан мусулмонлар ўртасида нима фарқ бор?

Шайх Шаъровий шундай жавоб қилдилар:

– Бугунги мусулмонлар исломнинг ҳамма ибодатлари: намоз, закот, рўза ва ҳаж кабиларни адо этишади. Аммо улар том маънода қийинчиликдалар. Илмий, иқтисодий, ижтимоий, ҳарбий жабҳаларнинг ҳаммасида танг аҳволдалар. Бу танглик недан?

У ҳам: – Ҳақиқатда бу танглик недан? – деб сўради. Жавоб қилдим:

– Буни Қуръон бизга шундай тушунтиради: «Чунки мусулмонлар мўминлик даражасига кўтарила олишмади». Қуйидагилар тўғрисида яхшилаб фикр юргизинг:

 Агар улар ҳақиқий мўмин бўлганларида Аллоҳ албатта нусрат берган бўлар эди. Чунки Аллоҳ Рум сурасининг 47-оятида: «Мўминларга нусрат бериш Бизнинг зиммамиздаги ҳақдир», дейди.

 Агар улар мўмин бўлганларида миллат ва халқлар аро обрў-эътибор ва устунлик қозонган бўлар эдилар. Бу ҳақда Аллоҳ таоло шундай марҳамат қилади: «Бўшашманглар! Хафа-маҳзун бўлманглар! Сизлар, агар мўмин бўлсаларингиз, устунсизлар», дейди (Оли-Имрон сураси, 13-оят).

 Лекин улар мусулмонлик босқичида қолиб кетишди. Мўминлик даражасигача кўтарила олмадилар. Аллоҳ таоло айтади: «Лекин уларнинг кўплари мўмин бўлмадилар» (Шуаро сураси, 8-оят).

 Ундай бўлса, мўминлар кимлар? Бунга жавоб ҳам Қуръони каримнинг ўзида: «Улар тавба қилувчилар, ибодат қилувчилар, ҳамд айтувчилар, рўза тутувчилар, рукуъ қилувчилар, сажда қилувчилар, яхшиликка буюриб, ёмонликдан қайтарувчилар, Аллоҳнинг чегарасида турувчилардир. Ва мўминларга хушхабар беринг!» (Тавба сураси, 112-оят).

Мулоҳаза қилиб кўрайлик, Аллоҳ таоло нусрат, ғалаба, ҳукмронлик ва тараққиёт мавзуларини мўминларга боғлади, мусулмонларга эмас!

Аллоҳ шайх Муҳаммад Мутаваллий Шаъровийни ўз раҳматига олсин! Касалимиз, муаммо ва таназзулимиз сабабларини Қуръони карим воситасида очиб бердилар, яна тузалиш, ечим ва тараққиёт йўлини ҳам аниқ кўрсатиб бердилар (Ечим охирги оятда. Қайта ўқинг, биз мўминмизми?).

Манба
islom.uz
Мавзуга оид мақолалар
Абул Фазл Аббос ибн Фараж Риёший Басрий ҳикоя қилади Асмаъий асл исми Абдулмалик ибн Қарийб ибн Абдулмалик ибн Али Асмаъий Абу Саъийд Басрий бўлиб, 216 ҳижрий давоми...

2431 15:00 / 07.06.2019
Ибн Маҳдийдан ривоят қилинади .Бир киши Молик ибн Анас раҳматуллоҳи алайҳдан масала сўради. У зот .Буни яхши билмайман,, дедилар. Ҳалиги киши ажабланиб, .Мен сиздан давоми...

255 07:10 / 31.08.2019
Умар ибн Хаттоб розияллоҳу анҳуга Кисронинг хазиналари олиб келинди. Абдуллоҳ ибн Арқам .Эй мўминларнинг амири, буларни байтулмолга қўшиб, тақсимламайсизми, деди. давоми...

408 07:10 / 01.08.2019
Аллоҳ таоло инсонларга беҳисоб неъматларни берган, уларнинг ҳаммаси ҳам бирбиридан қадрли ва фазилатлидир. Мана шу неъматларнинг ичида доимо ўзимиз билан бирга давоми...

390 08:40 / 18.07.2019
Топ рейтинг www.uz Openstat