Янги масжидда илк жума намози ўқилади
Маълумки, Тошкент шаҳрида нафақат юртимиз, балки ислом оламида машҳур бўлган, улуғ аллома Шайх Муҳаммад Содиқ Муҳаммад Юсуф роҳматуллоҳи алайҳ номларидаги муҳташам жоме масжиди юртимиз мўмин-мусулмонлари учун фойдаланишга топширилди. Айниқса, муҳтарам юртбошимиз ташаббуслари билан бунёд этилган ушбу муаззам мажмуа Рамазон ойида халқимизга катта туҳфа бўлди десак, муболаға бўлмайди.
Азиз юртдошлар, мана бир неча кундан бери янги очилган Шайх Муҳаммад Содиқ Муҳаммад Юсуф номидаги масжидда таровеҳ намозлари ўқилмоқда. Бугун шу масжидда илк жума намози ўқилади. Жума марузаси Ўзбекистон мусулмонлари идораси томонидан маълум қилинган «Закот бериш – буюк ибодат!» мавзусига бағишланади. Жума марузасини ва намозини масжид имом-хатиби Исмоил Муҳаммад Содиқ ўқиб берадилар. Барча мусулмонларга Рамазон ва жума айёми муборак бўлсин!
Islom.uz портали таҳририяти
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
