1442 йил 10 Рамазон | 2021 йил 22 апрель, пайшанба
Минтақа:
ЎЗ UZ RU EN
Мақолалар

Рўзанинг фазилатлари ҳақида (учинчи мақола)

14:00 / 07.05.2019 1148 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Саҳл розияллоҳу анҳудан ривоят қилинади:  

«Набий соллаллоҳу алайҳи васаллам: 

«Жаннатнинг бир эшиги бўлиб, у Райён деб номланур. Қиёмат куни рўзадорлар ундан кирурлар, улар билан бирга улардан бошқа бирортаси кирмас. 

«Рўзадор қаерда?» дейилур. Улар ундан кирурлар. Уларнинг охиргиси кирганда, у бекитилур. Бошқа ҳеч ким ундан кирмас», дедилар». 

Икки Шайх ва Насаий ривоят қилганлар.

Шарҳ: Ушбу ҳадиси шарифда охиратда рўза ибодатининг фазли бошқа ибодатлардан кўра қанчалик улуғ бўлиши баён қилинмоқда.

Қиёмат куни рўзадорлар жаннатга киришлари учун Райён исмли алоҳида эшик очилар ва ўша эшикдан «Рўзадорлар қани?» деб чақирилар экан. Шундан сўнг улар жаннатга киритилар, рўзадорларнинг ҳаммалари кириб бўлганларидан кейин бошқа ҳеч ким киритилмай, у эшик бекитиб қўйилар экан. Рўзадорларга алоҳида ҳурмат кўрсатилиб, улар учун алоҳида эшик очилиб, ана шу эшикдан алоҳида кирар эканлар.

Буни ҳозирги кундаги ҳамма киришни хоҳлаган жойларга маълум сабабларга кўра баъзи кишиларга имтиёз берилиб, уларнинг алоҳида эшикдан киритилишига қиёслаш мумкин.

Қиёмат куни ҳамма жаннатга тезроқ киришга уриниб турган бир пайтда рўзадорларга имтиёз берилиб, «Райён» номли махсус эшикдан киритилишлари ҳаммамиз бу дунёда рўзадорлардан бўлиб, ўша эшикдан ҳурмат билан жаннатга кириш бахтига эришиш учун астойдил ҳаракат қилмоғимиз кераклигини билдиради. Илоҳим, барчамизни ана шулар жумласидан қилсин!

(давоми бор)

«Ҳадис ва ҳаёт» китобидан

Муаллиф
Шайх Муҳаммад Содиқ Муҳаммад Юсуф
Манба
islom.uz
Мавзуга оид мақолалар
Абул Қосим Абдуллоҳ ибн Алий ибн Исҳоқ Тусий шундай деган.Биз Исмоил ибн Абдурроҳман Собунийга бир жуз ҳадис ўқиб берардик. Ўша жуздан озгина миқдор қолганда, у давоми...

254 16:00 / 05.11.2020
Мусулмон савдогар бағрикенг, осонликни истайдиган, баъзи нарсаларни ўтиб юборадиган бўлади.Жобир розияллоҳу анҳудан ривоят қилинади .Набий соллаллоҳу алайҳи давоми...

1411 13:00 / 18.12.2018
Жамиятимизда мўминмусулмонлар амал қиладиган турли хил яхши хислатлар билан бирга зарарли хулқлар ҳам мавжуд. Мусулмон инсон доимо мақталган хислатларни қўлга давоми...

1105 11:40 / 19.07.2019
Аллоҳнинг охирги элчиси Муҳаммад алайҳиссалом Мадина шаҳрига кўчиб келганларидан сўнг, у ерда масжид барпо этишни ирода қилдилар. Дастлаб масжид қурилганда давоми...

3943 14:10 / 16.04.2019
Аудиолар

57502 11:58 / 10.10.2018
«Ҳилол» журнали
Китоблар

1959 14:48 / 30 март
Топ рейтинг www.uz Openstat