Халқаро ислом академияси делегациясининг Туркияга ташрифи давом этмоқда
Ўзбекистон Халқаро ислом академияси делегацияси Туркиядаги диний таълим тизимини ўрганиш ва ҳамкорлик алоқаларини ўрнатиш мақсадида мазкур мамлакатга ташриф буюрди. Бу ҳақда ЎзА хабар берди.
Делегациянинг Анқара ҳамда Кўния шаҳарларига ташрифи самарали кечди. Хусусан, Туркия Республикасининг илк олий таълим муассасаси – Анқара университети билан ҳамкорлик битими имзоланди.
Хабарда айтилишича, Туркия Президенти ҳузуридаги Диёнат ишлари бошқармасида бўлиб ўтган учрашувда имом-хатиблар малакасини оширишга оид ҳамкорлик масалалари муҳокама қилинган.
Шунингдек, Туркия Миллий таълим вазирлигига ташриф буюрган делегация ушбу мамлакатнинг имом-хатиблар мактаби ва бошқа таълим даргоҳлари фаолияти билан яқиндан танишган.
Кўниядаги Олий диний таълимга ихтисослашган марказ, Диёнат ишлари бошқармасининг маҳаллий вакиллиги фаолияти, Салжуқ университети, Жалолиддин Румий мажмуасида зиёрат туризми билан боғлиқ намунавий ишлар делегация вакилларида катта таассурот қолдирди.
Islom.uz портали таҳририяти
© islom.uz 2003-2026.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
