1442 йил 5 рабиъул аввал | 2020 йил 22 октябрь, пайшанба
Минтақа:
ЎЗ UZ RU EN
Силаи раҳм

36-боб. Жоҳилиятда силаи раҳм қилиб, кейин мусулмон бўлган киши

10:20 / 18.04.2019 650 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

70. Ҳаким ибн Ҳизомдан ривоят қилинади:

«Набий соллаллоҳу алайҳи васалламдан:

«Жоҳилиятда садақа, қул озод қилиш ва силаи раҳм каби ибодат деб қилган нарсаларимга нима дейсиз? Уларда мен учун бирон ажр борми?» деб сўрадим. Расулуллоҳ соллаллоҳу алайҳи васаллам:

«Ўтган яхшиликларинг асосида мусулмон бўлгансан», дедилар».

Шарҳ: Демак, яхшиликлар қилиб юрган бир одам мусулмон бўлса, мусулмончиликдан аввал қилган яхшиликларига ҳам ажр-савоб олар экан. Жумладан, силаи раҳм ана шу яхшиликларга киради.

Лекин Исломга кирмаса, савоб олмайди. Демак, қул озод этган, силаи раҳм қилган, садақа берган одам мусулмон бўлса, ушбу амаллари учун савоб олади, акс ҳолда савобдан маҳрум қолади.

Ушбу ҳадисдан олинадиган фойдалар:

1. Жоҳилиятда ҳам баъзи кишилар ўзларича яхшилик қилиб юргани.

2. Жоҳилиятда қилган яхшиликлари ҳақида савол бериш мумкинлиги.

3. Жоҳилиятда яхшилик қилган одам кейин мусулмон бўлса, савоб олиши.

4. Силаи раҳм савобли иш экани.

5. Қул озод қилиш савобли иш экани.

6. Садақа қилиш савобли иш экани.

«Одоблар хазинаси» китобидан

Муаллиф
Шайх Муҳаммад Содиқ Муҳаммад Юсуф
Манба
islom.uz
Мавзуга оид мақолалар
Абу Ҳурайрадан ривоят қилинади.Мен ҳақимда эшитган одам борки, яҳудийми, насронийми ndash барибир, мени яхши кўриб қолар эди. Онамнинг Исломга киришини жуда давоми...

1185 11:10 / 27.12.2018
Абу Ҳурайрадан ривоят қилинади.Расулуллоҳ соллаллоҳу алайҳи васалламдан.Одамларнинг энг мукаррами ким, деб сўралди..Аллоҳ таолонинг ҳузурида уларнинг энг давоми...

825 13:04 / 28.12.2019
Отаонанинг фарзанд олдидаги бурчи, отасиз қолган етим болага қилиниши лозим бўлган муомалалар баён қилиб бўлинганидан кейин, фарзанди вафот этган кишининг ўзини давоми...

1237 12:30 / 09 март
Абу Дардодан ривоят қилинади.У киши одамларга қараб шундай дер эди.Эй одамлар Биз сизларни байтарлар ҳайвонларни билганларидан ҳам кўра яхшироқ биламиз. Биз давоми...

584 19:04 / 13 апрель
Топ рейтинг www.uz Openstat