1445 йил 23 шаъбон | 2024 йил 04 март, душанба
Минтақа:
ЎЗ UZ RU EN
Мақолалар

Дунё ишларида сабрли бўл!

07:10 / 18.04.2019 4719 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Бир ғамгин киши, донишманднинг ҳузурига келиб:

– Айтинг-чи, мени қийнаётган бу ғам-ташвишлардан қутилишнинг бирор чораси борми? – дея, дардини достон қилди.

– Аввал сен менинг икки саволимга жавоб бер, – деди донишманд. Киши донишмандга қараб:

– Марҳамат сўранг! – деди.

– Сен дунёга келган вақтингда сени қийнаётган шу муаммолар бор эдими? – деб сўради.

– Йўқ.

– Дунёдан кетар вақтингда шу ғам-ташвишларни ўзинг билан бирга олиб кетасанми? – деди донишманд. У яна:

– Йўқ, – деди.

– Сен билан келмаган, сен билан кетмайдиган, нарса учун нечун ғам чекасан?! – деди донишманд. – Сен дунё ишларида сабрли бўл! Назарингни ерга эмас, самога қарат! Шунда муродинг ҳосил бўлади.

Табассум қил! Ризқинг ўлчаб қўйилган. Тақдиринг белгиланган. Дунё ишлари ғам чекишга арзимайди. Чунки у мудом Тирик ва абадий Зотнинг қўлидадир.

Мутафаккирлардан бири: “Мўмин, икки ишнинг орасида яшайди. Бири енгиллик, иккинчиси қийинчиликдир. Агар билса, буларнинг ҳар иккиси ҳам, “неъмат” дир. Чунки енгилликда шукр қилиш бордир.

«Аллоҳ шукр қилувчиларни мукофотлар» (Оли Имрон сураси, 144-оят).

Қийинчиликда эса сабр қилиш имкони бор.

«Албатта сабр қилувчиларга мукофотлари беҳисоб берилур» (Зумар сураси, 10-оят).

Агар бахтли ҳаёт кечиришни истасанг, ҳамма нарсани тафтиш қилаверма, ҳамма нарсани аниқлаш учун текшириб кўраверма, ҳамма нарсани таҳлил қилаверма. Чунки, қимматбаҳо тошлар билан шуғулланувчилар олмосни ҳадеб таҳлил қилавергач, унинг асли кўмир эканлигини аниқладилар.

Манба
islom.uz
Мавзуга оид мақолалар
Маддоҳлик баъзи жойларда ман қилинган. Мадҳнинг ўзида олтита офат бор бўлиб, уларнинг тўрттаси мадҳ қилувчида, иккитаси мадҳ қилинувчидадир.Мадҳ қилувчидаги давоми...

3216 21:40 / 14.01.2019
Тарбиянинг иккинчи қисми болага таълим беришдир..Таълим, арабча .аллама, феълидан олинган масдар бўлиб, бир нарсанинг ҳақиқатини батафсил ва яхшилаб билдириш давоми...

2079 08:30 / 29.12.2018
Динимизга, азалий урфодатларимизга, маънавият ва анъаналаримизга зид бўлган майхўрликнинг Мовароуннаҳр заминига кириб, авж олишидан ҳукмдорлару миллатнинг кўзи давоми...

2034 14:39 / 14.02.2020
Савол Кўпинча матбуотда ўзга сайёраларда ҳам тирик мавжудотлар борлиги ҳақида ўқиб қоламиз. Бу гаплар динимиз нуқтаи назаридан асослимиФахриддин Тошкент давоми...

13481 15:03 / 06.07.2020