1444 йил 14 муҳаррам | 2022 йил 11 август, пайшанба
Минтақа:
ЎЗ UZ RU EN
Болажон саҳифаси

Otа-onаngizni e'zozlаng!

11:30 / 06.04.2019 1625 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Qadrli bolajonlar! Barchamiz bizni dunyoga keltirgan, tarbiyalab voyaga yetkazgan ota-onamizni hurmat qilishimiz, e'zozlashimiz lozim. Quyida shu haqda ba'zi tavsiyalarni keltiramiz:

Har kun ertalab uyqudan turgach, maktabdan kelganingizda, ota-onangiz ishdan yoki boshqa biror joydan kelganlarida ularga salom bering.

Biror joyga chiqmoqchi bo‘lsangiz yoki biror ish qilmoqchi bo‘lsangiz, ota-onangizdan ruxsat so‘rang. Ular ruxsat bersalar yaxshi, ruxsat bermasalar xarxasha qilib ularni ranjitmang. Shuningdek, ularning xonalariga ham hamisha ruxsat so‘rab kiring.

Ota-onangiz buyurgan har bir yaxshi ishni bajaring. Dangasalik qilib «Yo‘q» demang. Ularga quloq soling.

Ovqatlanganda avval ular ovqatni boshlab berishlarini kuting. Ulardan oldin dasturxonga qo‘l uzatmang, beodoblik bo‘ladi.

Yo‘lda yurganda ota-onangizdan oldinda yurmang. Ularning ortida yoki yonida yuring.

Ota-onangiz biror ish qilganda ularga yordamlasha olsangiz yordamlashing. Bo‘lmasa, ularga xalal bermang.

Ota-onangiz sizga qilgan yaxshiliklari uchun ularga rahmat ayting. Ularni yaxshi ko‘rishingizni tez-tez aytib turing. Yuzlaridan, qo‘llaridan o‘pib ularga mehringizni izhor qiling.

Ulardan tez-tez hol so‘rab turing. «Dadajon, yaxshimisiz?», «Oyijon, yaxshimisiz?», «Sog‘ligingiz yaxshimi?», «Ishdan yaxshi keldingizmi? Charchamadingizmi?» deb ularning holidan xabardor bo‘ling.

Ularni ko‘p duo qiling. Аyniqsa, namoz o‘qiganingizdan keyin, Qur'on tilovat qilganingizdan keyin ularni ko‘p-ko‘p duo qiling. «Аllohim, ular bizni kichikligimizdan to hozirgacha tarbiyalagani kabi O‘zing ularga rahm qil. Ularga yaxshiliklar ber, umrlarini uzoq qil. Hamisha xursand, baxtli bo‘lsinlar», – deng.

Ota-onangiz charchagan vaqtda sho‘xlik qilib, shovqin solib ularni battar qiynamang. Biroz dam olgunlaricha o‘z xonangizda bo‘lib turing.

Kech bo‘lganda ota-onangiz bilan xayrlashib, ularga yaxshi tilaklar bildirib, o‘z o‘rningizga borib yoting.

Ota-onaning yaqinlari – buvi-buva, amma-xola, tog‘a-amakilarni hurmat qilish ham ota-onani hurmat qilishdek muhimdir. Ota-onasini hurmat qilgan bola ularni ham hurmat qiladi. Shuningdek, aka-ukalar, opa-singillar bilan ham ahil-inoq bo‘lish lozim. Bir-biriga yaxshi muomala qilib, ishlarida yordamlashish kerak. O‘zaro urishmang. Bundan ota-onangiz xafa bo‘ladilar.

G‘iyosiddin Yusuf

Манба
islom.uz
Мавзуга оид мақолалар
Ey, farzandKechasi uxlash uchun o`ringa yotishdan avval Mulk Taborak surasi o`qiladi.Payg`ambarimiz sollallohu alayhi vasallam shu surani o`qimasdan o`rinlariga kirib uxlamasdilar. Bir hadisi shariflarida Rasululloh sollallohu alayhi vasallam shunday marhamat etadilar.Yotadigan vaqtda Mulk Taborak давоми...

39894 17:30 / 10.02.2019
Muso qizlarnikida katta hurmatizzat ko`rdi. Ular bu g`arib yigitni xuddi o`z farzandlaridek ko`rib izzatikrom qilishdi.Kunlarning birida qiz otasi huzuriga kelib maapossumalik bilan shunday dedi .Ey ota, uni ishga yollagin. Zero, sen yollagan eng yaxshi kishi kuchli, ishonchli kishidir,.Chol dedi давоми...

2464 15:00 / 05.12.2021
9 Yusuf qamoqqa kirganda, qamoq ahli Yusufning oliyjanob yigit ekanini bildi. Haqiqatda Yusufda ulkan ilm bor edi.Haqiqatda Yusufning ko`ksida rahmdil yurak bor edi. Qamoq ahli Yusufni yaxshi ko`rib qolib, uni hurmat qildilar.Odamlar Yusufdan xursand bo`lib, uni hurmatladilar. U bilan birga qamoqqa давоми...

2471 15:00 / 20.04.2019
Solih tuyaning so`yib, o`ldirilganini bilgach, afsuslandi va juda xafa bo`ldi. Insonlarga qarata .Diyoringizda uch kun bahramand bo`lib turing. Bu yolg`on bo`lmagan vaaposdadir, Hud surasi, 65oyat dedi.Mana shu yurtda yer yuzida fitnafasod qo`zg`ab yuradigan to`qqizta buzg`unchi kimsa ham yashardi. давоми...

1317 14:53 / 12.06.2021
Аудиолар

86189 11:58 / 10.10.2018
«Ҳилол» журнали
Китоблар

15411 14:35 / 11.08.2021
Топ рейтинг www.uz Openstat