Могерини: «Европа Иттифоқи Исроилнинг Жўлон тепаликлари бўйича суверенитетини тан олмайди»
Европа Иттифоқи Исроил томонидан босиб олинган Жўлон тепаликлари бўйича суверенитетини тан олмаслигини расман тасдиқлади. РИА Новостининг хабар беришича бу Европа дипломатияси раҳбари Федерики Могеринининг кеча эълон қилган баёнотида маълум қилинган.
“ЕИнинг Жўлон тепаликлари мақоми бўйича позицияси ўзгармади. Халқаро ҳуқуқ ва БМТ Хавфсизлик Кенгаши резолюциясининг 242 ва 497-сон қарори бўйича ЕИ Исроилнинг босиб олинган Жўлон тепаликлари устидан суверенитетини тан олмайди” дейилган ҳужжатда.
Эслатиб ўтамиз, Жўлон тепаликлари Исроилнинг ҳудуди деб тан олиш ҳақидаги фармонни АҚШ Президенти Дональд Трамп шу ҳафта имзолаган эди. Жўлон тепаликлари 1967 йилгача Сурияга қарашли бўлган ва ўша йилнинг июнида ҳудуднинг учдан икки қисмини Исроил босиб олган. 1981 йилда Исроил парламенти “Жўлон тепаликлари ҳақида” қонун чиқариб, ушбу ҳудуд бўйича суверенитетини эълон қилди. БМТ Хавфсизлик Кенгаши эса Исроилнинг бу қарорини тан олмаган. Хавфсизлик Кенгаши бир неча марта Исроилни босиб олинган ҳудудни Сурияга қайтариб беришга чақирган.
Islom.uz
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
