1441 йил 23 жумадул аввал | 2020 йил 18 январь, шанба
Минтақа:
ЎЗ UZ RU EN AR
Янгиликлар

Таълим соҳасида халқаро ҳамкорлик одимлари: Паханг университети

10:33 / 23.03.2019 1342 pdf Ўқиш режими + -

Жорий йилнинг 15-22 март кунлари “GRAND TA’LIM” нодавлат таълим муассасаси “Hilal Travel” туристик ташкилоти билан хамкорликда Малайзия давлатига сафар ташкил этилгани ҳақида аввалги мақоламизда баён қилгандик. 15 март жума куни эрталаб “GRAND TA’LIM” жамоаси Малайзиянинг Паханг вилояти Пекан шаҳрида жойлашган  Паханг Университетига ташриф буюрди. 


 Дастлаб  Паханг  университетининг Centre for Modern languages & Human Sciences -“Замонавий тиллар ва гуманитар фанлар” факультетига борилди. Жамоани факультет раҳбари профессор, Муҳаммад Нублий Абдул Ваҳҳоб (Dr. Muhammad Nubli Abd Wahhab) қабул қилди. 


  Ўзаро маълумотлар алмашинуви ўтказилди. Яъни, ҳар икки томон ўз тақдимотларини ўтказди. Муассасанинг халқаро алоқалар бўйича мутахассиси Ватанимиз Ўзбекистоннинг бой маърифий-маданий тарихи ва бугунги туризм салоҳияти  ҳақида сўзлаб берилди. 

   Шунингдек, мамлакатимиз таълим тизимидаги ислоҳотлар, “GRAND TA’LIM” ва ушу бу университет ўртасида педагогларни малака ошириши, Ўзбекистондан талабаларнинг ушбу илм масканида  магистрлик ёки докторлик ишларини амалга оширишлари истиқболлари ҳақида суҳбатлашилди. Шунингдек, Паханг университетини  тамомлаган иқтидорли талабаларни Ўзбекистонга шартнома асосида таклиф этиш масалалари  мухокама қилинди, ўзаро фикр алмашилди. 

  Факультетдаги учрашувдан сўнг, Паханг университети асосий биносига борилди. У ерда ушбу йирик ва машҳур университет ректори, профессор, - Дато, Даинг Носир Иброҳим (Dr. Daing Nasir Ibrahim)  бошчилигидаги 20 га яқин устозлар томонидан қабул ўтказилди. 

  Улардан, профессор Зурайна бинти Али, Доктор Мунира бинти Абдул Раззоқ, компьютер тизимлари ва инженерлик факультетидан доктор Муҳд Низом Махмуд Қаҳҳор, устозлардан Муҳаммад Ҳофиз Асвад ибн Аҳмад Камолларни санаб ўтиш мумкин. Мезбонлар илиқ ва самимий қабул қилишди. 

Мезбонларга  Ўзбекистон таълим тизимидаги шароитлар ва имкониятлар, хамкорлик қилиш борасида қулайликлар борасида ва хусусан, 10 йилдан кўпроқ вақт мобайнида Тошкент шаҳрида араб, инглиз ва рус тилларини ўргатиш ва компьютер технологияларини ўргатиш борасида фаолият олиб бораётган “GRAND TA’LIM” НТМ ҳақида видеоролик намойиш  қилинди.

   Ўз ўрнида Паханг университети вакиллари ҳам университет таълим тизими ва имкониятлари борасида видеофильм намойиш этишди ва  батафсил ҳикоя қилиб беришди. 

  Маълумотларга бой ва қизиқарли кечган самимий учрашув сўнгида келажакда университет филиаллари билан ҳамкорликда илмий  лойиҳа-дастурларни  амалга ошириш, педагог ўқитувчиларнинг Малайзияда  малака ошириши каби  ишларни амалга оширишга келишиб олинди. 

 Факультетлар деканлари ўқитувчи ва устозлари томонидан томонидан кўплаб саволлар берилди, катта қизиқиш билдирилди. Учрашув сўнгида Паханг универитети раҳбарияти ва устозларига самимий қабул учун ташаккур изҳор қилинди ва эсдалик совғалари тақдим этилди. 


 Паханг Университети ( Universiti Malaysia Pahang)- Малайзиянинг энг етакчи университетларидан. Universiti Malaysia Pahang (UРМ) – Малайзия олий таълим муассасаси 2002 йилда ўз фаолиятини бошлаган.  Педагогик жамоа 1655 кишидан иборат. Талабалар сони – 15 000, магистрлар- 10 000, аспирантлар эса 5000 кишини ташкил этади.   

Университет Малайзиянинг етакчи ўқув даргоҳларидан ва мамлакатдаги энг яхши ТОП-20 университетлар рейтингида туради. Ўқув маскани  муҳандислик, технологик дастурлар ва тадқиқотлар йўналишида  илғор ҳисобланади. Талабалар ўқиш жараёнида кўплаб ўқув дастурлари ва илмий лойиҳаларда иштирок этиш имкониятига эгалар. 

  Эслатиб ўтамиз, сафардан кўзланган мақсад, бугунги кунда нафақат Малайзияда балки, Осиё ва жаҳон университетлари рейтингларида юқори поғоналарда турувчи нуфузли таълим даргоҳларининг илғор тажрибалари билан танишиш, таълим тизимидаги ютуқ ва муваффақиятларни ўрганиш асносида ўзаро ҳамкорлик ўрнатиш борасида музокаралар кўзда тутилган.

Навбатдаги мақолаларимизда Малайа университети, Путра университети каби билим даргоҳларида ўтган мулоқотлар, туристик ярмарка ҳақида баён қилиб борамиз. Саҳифаларимизни кузатиб боринг.


 “GRAND TA’LIM”, 2019 йил.

Мавзуга оид мақолалар
Покистон Дин ишлари раҳбари Исломий банк тизмида фоиз олишнинг мумкин эмаслигини маълум қилиб, Покистон банкларида ҳам худди шундай тартибда фаолият йўлга давоми...

1045 15:13 / 28.11.2018
Президент Шавкат Мирзиёев Самарқанд вилоятига ташрифи чоғида дастлаб Имом Бухорий мақбарасини зиёрат қилди.Давлатимиз раҳбари ушбу марказда яратилган давоми...

752 14:04 / 11.01.2019
Буюк Британия пойтахти аҳолисининг аксари мусулмон бўлган кўпгина мамлакатларнинг пойтахтидан Исломийроқдир , дейди Мавлоно Саид Ризо Ризви. Бу ҳақда Saudi Gazette давоми...

2441 15:00 / 10.10.2018
Германиянинг ГётеФранкфурт университети Ислом фанлари ва жамият академияси томонидан тадқиқотлар учун Қуръони карим билан боғлиқ иккита катта лойиҳани киритди, давоми...

815 15:40 / 25.12.2018
Топ рейтинг www.uz Openstat