Мисрда Қуръони каримни тарқатиш кампанияси бошланди
Бундан кўзланган асосий мақсад, Африкада кўпчиликни ташкил этувчи мусулмон аҳолисига, нисбатан камбағал деб топилган давлатларга Қуръони каримни тарқатиш иборат, деб хабар беради Мисрнинг Ал-Дастур газетаси.
Миср Вақф вазирлиги хатиби Шайх Аҳмад Жалол раҳбарлигида ташкил этилган ва мисрлик фидойи ёшлар томонидан амалга оширилаётган ушбу кампания ҳанузга қадар Қуръони каримни тахтачаларга ёзиб ўрганаётган Гвинея каби давлатларда яшайдиган мусулмонларга Каломуллоҳни китоб шаклида етказишни ўз олдига мақсад қилган. Кампания аввалида 20 минг дона Қуръони каримни жамлаш учун аҳолига мурожаат этилган, бироқ қисқа фурсат ичида тўпланган мусҳаф 40 мингдан ошиб кетган.
Тадбир қатнашчиларидан бўлган Муҳаммад Саййиднинг айтишича, хорижга ҳадя этиладиган Қуръонларнинг охирги бетига Ал-Азҳарнинг муҳри босилади. Ўртача ҳолатда бўлганлари Мисрнинг айрим ҳудуддаги аҳолисига тарқатилади, қолганлари эса масжид ҳамда Қуръони каримни ўргатиш марказларига берилади.
Islom.uz портали таҳририяти
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
