1440 йил 19 Рамазон | 2019 йил 24 май, жума
Минтақа:
ЎЗ UZ RU EN AR
Мақолалар

Жумага шошилиш ҳақида

09:10 / 01 март 1070 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Абу Убайда розияллоҳу анҳудан ривоят қилинади:

«Абдуллоҳ ибн Масъуд шундай дедилар: «Жумага шошилинглар. Аллоҳ таоло ҳар жума куни муаттар хушбўйликларга бурканиб, жаннат аҳлига ўзини кўрсатади. Одамлар жума учун ҳаракат қилишлари ва унга шошилишларига яраша Аллоҳга яқин бўладилар. Аллоҳ таоло уларни икром қилади. Улар бундан олдин кўрмаган нарсаларини кўрадилар. Аҳли оилаларига қайтиб, бу ҳақда гапириб берадилар». Сўнгра Абдуллоҳ ибн Масъуд жума куни масжидга кирдилар. Қарасалар, у кишидан олдин икки киши масжидга кириб улгурган экан. Абдуллоҳ ибн Масъуд: «Мен учинчиман, шоядки, Аллоҳ таоло учинчини ҳам баракотли қилса...», – дедилар».

Табароний ривоят қилган.

Алқама розияллоҳу анҳудан ривоят қилинади:

«Абдуллоҳ ибн Масъуд розияллоҳу анҳу билан жума намозига чиқдик. Масжидда уч киши бор экан. Абдуллоҳ ибн Масъуд шундай дедилар: «Мен тўртинчиман. Тўртинчи киши ҳам Аллоҳ таолодан узоқ эмас. Мен Расулуллоҳ соллаллоҳу алайҳи васалламнинг «Одамлар қиёмат куни Аллоҳ таолонинг олдида жумага келишлари тартиби билан ўтирадилар. Биринчи, иккинчи, учинчи, сўнгра тўртинчи. Тўртинчи ҳам Аллоҳдан узоқ бўлмайди», – деганларини эшитдим».

Ибн Можа ривоят қилган.

Самура розияллоҳу анҳудан ривоят қилинади:

«Расулуллоҳ соллаллоҳу алайҳи васаллам: «Жумага барвақтроқ боринглар, имомга яқинроқ ўтиринглар. Бир киши жаннат аҳлидан бўлади. Лекин жумага кеч қолганлиги сабабли жаннат аҳли бўлса ҳам, жаннатга кириши кечиктирилади», – дедилар».

Табароний ва Асбаҳоний ривоят қилишган.

“Жума ҳақидаги оят ва ҳадислар” китобидан

Муаллиф
Азизхўжа Хайруллоҳ ўғли
Манба
islom.uz
Мавзуга оид мақолалар
Осмон жисмлари ва уларнинг жойлашув буржларига қараб кишилар тақдирини аниқлаш даъвосида юрган мунажжимларнинг қилмишлари ҳақида сўз кетганида, кўпчилик Ислом давоми...

1080 14:50 / 16.10.2018
Дуо деганда фикримизга дастлаб Аллоҳни ёдга олиш, У Зотга эҳтиёжларини билдириш, истакларини сўраш, гуноҳлари учун мағфират тилаш кабилар келади. Агар ҳақиқатдан давоми...

1447 08:45 / 12 февраль
Туғилган ҳар бир болани тўлақонли эмизиш отаонанинг бурчи, боланинг ҳаққидир.Ҳа, отаонадан туғилган ҳар бир фарзанд соғлом бўлиши учун у аввало тўлақонли давоми...

800 12:30 / 24.10.2018
Имом Нававий раҳматуллоҳи алайҳ қаламига мансуб .Ат тибян фи адаби ҳамалатил Қуръон, китобини билмайдиган киши бўлмаса керак.Асар Қуръони каримни ўрганиш давоми...

1576 05:27 / 16.08.2018
Топ рейтинг www.uz Openstat