Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Аллоҳ таоло Мулк сурасида шундай марҳамат қилади:

ﮖ ﮗ ﮘ ﮙ ﮚﮛ ﮜ ﮝ ﮞ

«Ўз Роббларига куфр келтирганлар учун жаҳаннам азоби бордир ва у қандай ҳам ёмон борар жой!» (6-оят).

Демак, жаҳаннам фақат шайтонлар учунгина эмас, балки хоҳ инсон бўлсин, хоҳ жин бўлсин, ҳар бир кофир учун тайёрлаб қўйилган экан. У, албатта, қайтадиган жойнинг энг ёмони эканида шубҳа йўқ.

Кейинги оятларда жаҳаннамдаги азоблар, даҳшатлар ва ҳодисалар батафсил васф қилинади.