1441 йил 24 рабиъул аввал | 2019 йил 21 ноябрь, пайшанба
Минтақа:
ЎЗ UZ RU EN AR
Мақолалар

Саловатнинг каффорати

07:00 / 19 февраль 1922 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Робия ул Адавиянинг отаси Исмоилнинг уч қизи бор эди. Тўртинчи қизи туғилганида исмини Робия қўйди. Ота жуда камбағал бўлиб, Робия туғиладиган кунларда, бу рўзғорда ҳеч вақо йўқ эди. Бу ҳолатга онаси йиғлаб, эрига дедики:

– Фалон қўшнидан озгина чироқ мойи сўрайсизми?

Робиянинг отаси бошқа ҳеч кимдан бирор нарса сўрамасликка аҳд қилган эди. Лекин аёлини хафа қилмаслик учун қўшниникига борди. Аммо унинг эшигига бориб, эҳтиёжини сўрамай ортига қайтибди.

– Эшикни очишмади, – деди у.

Ўша кеча Исмоил тушида Муҳаммад алайҳиссаломни кўрди. Ул зот унга шундай дедилар: «Сира хафа бўлма! Туғилажак қизинг шундай аёл бўладики, умматимдан 70 минг одамга шафоат қилади. Эртага бир қоғозга: «Сен ҳар кеча Пайғамбаримиз алайҳиссаломга юз саловати шариф, жума кечалари тўрт юз саловат айтардинг. Бу жума кечаси унутиб, саловат айтмадинг. Бунинг каффороти сифатида шу ёзувни сенга олиб келган одамга тўрт юз олтин бер», деб ёзиб, уни Басра волийси Исо Зоданга етказ», дедилар.

Робиянинг отаси уйғониб, Муҳаммад алайҳиссаломни тушида кўриш бахтидан йиғлаб юборди. Дарҳол ўрнидан туриб, айтилганларни бажарди. Сўнгра Исо Зоданинг олдига борди. Волий хатни олиб, Расулуллоҳ соллаллоҳу алайҳи васаллам уни тилга олганининг шукронаси учун минглаб олтинларни фақирларга садақа қилиб берди. Робиянинг отаси Исмоилга ҳам хатда ёзилганга қўшиб яна кўп олтин бериб, эҳтиёж сезса, яна келаверишини тайинлади.

Исмоил олтинларни олиб, керакли эҳтиёжларини таъминлади. Шундай қилиб, улар қизларига чиройли таълим-тарбия бериб вояга етказишди.

Юсуф Товаслийнинг «Ҳикматлар хазинаси» китобидан

Манба
islom.uz
Мавзуга оид мақолалар
Расулуллоҳ соллаллоҳу алайҳи васаллам тамаъ қилинмайдиган ўринда тамаъ қилиб, қалбнинг муҳрланиб қолишидан паноҳ сўрар эдилар.Умар ибн Хаттоб розияллоҳу анҳу давоми...

1140 11:20 / 10 март
Динсизлар борлиқнинг яратувчиси мавжудлигига ишонмайдилар. Уларнинг айтишича, барча нарсалар қадимий бўлиб, модда бирламчидир. Табиатдаги барча нарсалар вақт давоми...

1476 11:29 / 06.10.2018
Ҳаётингиздаги энг қийин ва машаққатли онларда, Аллоҳга дуо қилиш эҳтиёжи янада кучайганда, дуо қилиш учун қандай шароит ихтиёр қилганингизни эслай оласизми давоми...

1658 08:45 / 04 февраль
давоми.Биз Иброҳим, Исмоил, Исҳоқ, Яъқуб, Асбот, Ийсо, Айюб, Юнус, Ҳорун ва Сулаймонларга ваҳий юбордик, Нисо сураси,163оят.Қуръоннинг тўрт сурасида номлари тилган давоми...

1012 09:40 / 28 март
Аудиолар

25567 11:58 / 10.10.2018
«Ҳилол» журнали
Китоблар
Топ рейтинг www.uz Openstat