Энг кўп мусулмон яшайдиган мамлакат сайёҳлик саммитини ўтказмоқчи
Дунёда аҳоли сони бўйича тўртинчи ўринда турувчи ва энг кўп мусулмон жамоасига эга бўлган Индонезия мамлакати исломий сайёҳлик бўйича юқори мавқега эришмоқчи.
Мамлакат Туризм вазири Ориф Яҳё туризм соҳасидан асосий мақсад, ҳалол туризмни кучайтириш билан бир қаторда мусулмон сайёҳларни энг кўп қабул қиладиган давлатга айлантириш лозимлигини маълум қилди, деб хабар беради Tempo газетаси.
Ориф Яҳёнинг таъкидлашича, ҳалол стандартларини янада ривожлантириш, уларнинг фаолиятини MasterCard вa CrescentRating томонидан ишлаб чиқилган “Мусулмонлар учун саёҳат имтиёзлари индекси” талабларига мувофиқлаштириш лозим. Маълум бўлишича, ўтган йили Индонезияга 3.5 млн саёҳ келган, жорий йилда эса 5 млн. мусулмон сайёҳлар келиши режалаштирилган. Мусулмон сайёҳлар учун қулай шарт-шароитлар яратган давлатлар қаторида Индонезия Малайзия ва БААдан кейин учинчи ўринни эгалламоқда.
Islom.uz портали таҳририяти
© islom.uz 2003-2025.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
