1441 йил 22 рабиъул аввал | 2019 йил 19 ноябрь, сешанба
Минтақа:
ЎЗ UZ RU EN AR
Мақолалар

Гуноҳнинг давоси

08:00 / 16 февраль 2188 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Қалби оламни ёритган улуғ авлиё Боязид Бистомий ҳазратлари бир куни руҳи хасталарни даволайдиган маскан ёнидан ўтаётган эди. Қараса, жиннилар бир табибнинг атрофига тўпланиб, ундан дардларига даво сўрашарди. Табиб ҳам жинниларни даволаш билан машғул эди. Замон авлиёси ундан сўради:

– Эй табиб, гуноҳкорлик касалига йўлиққанлар учун ҳам дори-дармонинг борми?

Табиб ўйланиб қолди. Ўша онда шу ердаги жиннилардан бирининг бақиргани эшитилди:

– Шу дарднинг давосини мен айтайми?

– Давоси нима экан? – сўради кароматлар соҳиби.

Жинни шундай деди:

– Тавба ўтини истиғфор япроғи билан алмаштирасан, кўнгил косасига қуйиб тавҳид тўқмоғи билан чиройли қилиб туясан. Сўнг инсоф элагидан ўтказиб, кўз ёши билан хамир қорасан. Ишқ оловида пиширасан. Ичига муҳаббат асалидан қуйиб, қаноат қошиғи билан эрталаб ва кечки пайт бир қошиқдан еб турасан.

Боязид Бистомий ҳазратлари юрагига ўқ теккан кишидек титраб кетди. Шунчалик йиғладики, кўз ёши соқолини ҳўл қилиб юборди.

 Юсуф Товаслийнинг «Ҳикматлар хазинаси» китобидан

Манба
islom.uz
Мавзуга оид мақолалар
Ўшал Кунда бир чеҳралар қўрқувчидирhellipБу чеҳралар бу дунёда куфр, ширк, нифоқ, гуноҳ ва исён билан ўтган кимсаларнинг чеҳраларидир. Уларга дўзахга тушишлари аён давоми...

2137 14:40 / 01 май
Шайх ҳазратлари, менга ушбу оят мазмунини қандай тушуниш кераклигини ўргатсангиз .Аллоҳни тик турганингизда, ўтирганингизда, ётганингизда зикр қилинг,. Каломда давоми...

635 15:05 / 29 август
Бир одам жуда нозли қизга толиб бўлди. Анча нозистиғнолардан сўнг турмуш қурдилар. Ул аёлда ислом тарбияси жуда оз эди. Шунинг учун эрининг қадрига яхши етмас эди. давоми...

2410 11:08 / 21.11.2018
Агар кишининг хотини ва фарзандлари намоз ўқимаса, қиёматда эркак киши улар учун жавобгар бўладимиЖавоб Бисмиллаҳир роҳманир роҳийм.Албатта жавобгар бўлади. давоми...

4747 20:40 / 06 январь
Аудиолар

25008 11:58 / 10.10.2018
«Ҳилол» журнали
Китоблар
Топ рейтинг www.uz Openstat