1442 йил 3 рабиъул аввал | 2020 йил 20 октябрь, сешанба
Минтақа:
ЎЗ UZ RU EN
Мўминнинг баҳори

Зикр ҳалқалари

09:28 / 11.02.2019 2376 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

عَنْ أَبِي سَعِيدٍ رَضِيَ اللهُ عَنْهُ قَالَ: خَرَجَ مُعَاوِيَةُ عَلَى حَلْقَةٍ فِي الْمَسْجِدِ فَقَالَ: مَا أَجْلَسَكُمْ؟ قَالُوا: جَلَسْنَا نَذْكُرُ اللهَ، قَالَ: آللهِ مَا أَجْلَسَكُمْ إِلَّا ذَاكَ؟ قَالُوا: وَاللهِ مَا أَجْلَسَنَا إِلَّا ذَاكَ، قَالَ: أَمَا إِنِّي لَمْ أَسْتَحْلِفْكُمْ تُهْمَةً لَكُمْ، وَمَا كَانَ أَحَدٌ بِمَنْزِلَتِي مِنْ رَسُولِ اللهِ َلَّى اللهُ عَلَيهِ وَسَلَّمَ أَقَلَّ عَنْهُ حَدِيثًا مِنِّي، وَإِنَّ رَسُولَ اللهِ َلَّى اللهُ عَلَيهِ وَسَلَّمَ خَرَجَ عَلَى حَلْقَةٍ مِنْ أَصْحَابِهِ فَقَالَ: مَا أَجْلَسَكُمْ؟ قَالُوا: جَلَسْنَا نَذْكُرُ اللهَ وَنَحْمَدُهُ عَلَى مَا هَدَانَا لِلْإِسْلَامِ وَمَنَّ بِهِ عَلَيْنَا، قَالَ: آللهِ مَا أَجْلَسَكُمْ إِلَّا ذَاكَ؟ قَالُوا: وَاللهِ مَا أَجْلَسَنَا إِلَّا ذَاكَ، قَالَ: أَمَا إِنِّي لَمْ أَسْتَحْلِفْكُمْ تُهْمَةً لَكُمْ، وَلَكِنَّهُ أَتَانِي جِبْرِيلُ فَأَخْبَرَنِي أَنَّ اللهَ عَزَّ وَجَلَّ يُبَاهِي بِكُمُ الْمَلَائِكَةَ. رَوَى الثَّلَاثَةَ مُسْلِمٌ وَالتِّرْمِذِيُّ.

 Абу Саъийд розияллоҳу анҳудан ривоят қилинади:

«Муовия масжиддаги ҳалқа олдига чиқди ва: 

«Сизларни нима (сабаб) ўтирғизди?» деди.

«Аллоҳнинг зикрини қилиб ўтирибмиз», дейишди.

«Аллоҳ ҳаққи, сизларни шундан бошқа нарса ўтирғизгани йўқми?» деди.

«Аллоҳга қасамки, бизларни бундан бошқа нарса ўтирғизгани йўқ», дейишди.

«Мен сизлардан туҳмат юзасидан қасам ичишни талаб қилганим йўқ. Ҳеч ким Расулуллоҳ соллаллоҳу алайҳи васалламга менчалик яқин манзилада бўлиб туриб, менчалик оз ҳадис айтган бўлмаган. Албатта, Расулуллоҳ соллаллоҳу алайҳи васаллам ўз саҳобаларидан бўлган бир ҳалқа олдига бордилар ва:

«Сизларни нима (сабаб) ўтирғизди?» дедилар.

«Аллоҳнинг зикрини қилиб, бизни Исломга ҳидоятга бошлагани ва берган неъматлари учун ҳамд айтиш учун ўтирибмиз», дейишди.

«Аллоҳ ҳаққи, сизларни шундан бошқа нарса ўтирғизгани йўқми?» дедилар.

«Аллоҳга қасамки, бизларни ундан бошқа нарса ўтирғизгани йўқ», дейишди.

«Мен сизлардан туҳмат юзасидан қасам ичишни талаб қилганим йўқ. Лекин ҳузуримга Жаброил келиб, Аллоҳ азза ва жалла фаришталарга сизлар билан фахрланаётганининг хабарини берди», дедилар».

Муслим ва Термизий ривоят қилган.

Муовия розияллоҳу анҳу Пайғамбар соллаллоҳу алайҳи васалламнинг қайноғалари ҳамда ваҳий котибларидан бири бўлишларига қарамай, ҳадиси шарифларни оз ривоят қилганлар. Ушбу ҳадиси шариф ана шу оз сонли ривоятлардан биридир. Бу омил ривоятнинг ўта аниқлигини билдиради.

Бу ҳадиси шарифдан олинадиган фойдалар:

1. Зикр ҳалқалари қуриш катта фазилат экани.

2. Зикр ҳалқаларини масжидларда қуриш яхши иш экани.

3. Зикр ҳалқаларини қуришдан мақсад холис бўлиши кераклиги.

4. Бир маънони таъкидлаш учун иккинчи томондан қасам ичишни сўраш мумкинлиги.

5. Аллоҳ азза ва жалла мухлис зокирлар билан фаришталар олдида фахрланиши.

6. Жамоат бўлиб зикр қилиш жоизлиги.

 

«Ҳадис ва ҳаёт» китобидан

Муаллиф
Шайх Муҳаммад Содиқ Муҳаммад Юсуф
Мавзуга оид мақолалар
Ойнадан қор парчаларининг ўйноқлаб тушишини, шиддат билан ёғаётган ёмғирни кузатиб ўтирираркансиз, беихтиёр Роббим, қудратинг олийrdquo дейсиз. Аллоҳнинг кўзимиз давоми...

3121 17:00 / 18.01.2019
Қишнинг кўпи кетиб ози қолдиhellip Энди тунларни аввалгидек узуун демай қўйдик. Эътибор берсангиз, саҳарларда бироз илиқ, ёқимли тонг нафаси сезилиб қоляпти.Аммо давоми...

2367 19:07 / 01.02.2019
Инсон... У нимаси билан бошқа жонзотлардан мукаррам бўлди У кимки, фаришталар унга таъзим саждасини қилдилар Дунёда ҳамма нарса унинг хизматида, солиҳ амаллари давоми...

3492 15:17 / 25.01.2019
Ҳадиси шарифда ривоят қилинганки, сафарга чиққан бир одам билмасдан қабр устига капа тикиб олади. Кейин қабр ичидаги инсон Таборак сурасини охиригача қироат давоми...

44225 13:30 / 10.01.2019
Топ рейтинг www.uz Openstat