1445 йил 18 Рамазон | 2024 йил 28 март, пайшанба
Минтақа:
ЎЗ UZ RU EN
Кун ҳадиси

Тўқсон тўққиз кишини ўлдирган одам

18:06 / 06.11.2017 3462 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Абу Саид Саъд ибн Молик ибн Синон ал-Худрий розияллоҳу анҳудан ривоят қилинади:

Аллоҳнинг набийси соллаллоҳу алайҳи васаллам:

“Сизлардан аввал ўтган умматлардан бир одам тўқсон тўққиз кишини ўлдирган эди. Бас, у ер юзидаги энг олим кишини сўради. Улар бир роҳибни кўрсатишди. У роҳиб ҳузурига бориб, тўқсон тўққизта одам ўлдирганини айтиб, тавба қилса, тавбаси қабул бўладими? Шу ҳақда сўраганида, роҳиб: “Йўқ”, деди. У роҳибни ҳам ўлдириб, (ўлдирган одамлар сонини) юзтага етказди. Сўнгра яна: “Ер юзида барчадан олимроқ киши ким?” деб сўради. Унга яна бир олим киши кўрсатилди. У (олимдан): “Юз кишини ўлдиргани ва унинг тавбаси қабул бўладими?” деб сўраганида, олим: “Ҳа, ким У билан тавба орасини тўса олар эди? Сен фалон-фалон ерга бор. У ерда Аллоҳ таолога ибодат қиладиган кимсалар бор. Сен ҳам улар билан бирга Аллоҳга ибодат қил. Ўз ерингга ҳаргиз қайтмагин, чунки у ёмон жойдир”, деди. Бу сўзларни эшитгач йўлга тушди. Ярим йўлга етганида, унга ўлим етди, раҳмат ва азоб фаришталари у хусусида жанжаллаша бошлашди. Раҳмат фаришталари: “У қалби билан Аллоҳга юзланиб, тавба қилган ҳолда келайтган эди”, дейишди. Азоб фаришталари эса: “У ҳеч ҳам яхши амал қилмаган”, дейишди. Шунда улар ҳузурига одам суратидаги фаришта келди, улар, уни ўзларига ҳакам қилиб, таъйин этишди. У: “Икки ер орасидаги масофани ўлчанглар. Қайси бирига яқин бўлса, у ҳам ўшалардандир”, деди. Икки ер оралиғи ўлчашганида, хоҳлаб (кетиб) турган тарафи яқин эди. Шундай қилиб, унинг жонини раҳмат фаришталари кўтариб кетишди”, дедилар.

Муттафақун алайҳ.

Бошқа бир саҳиҳ ривоятда: “Яхши юртга бир қарич яқин экан. У ўша шаҳар аҳлидан саналибди”, дейилади.

Яна бир бошқа саҳиҳ ривоятда эса қуйидагича айтилади: “ Аллоҳ таоло келган тарафдаги ерга узоқ бўл, бораётган тарафдаги ерга яқин бўл, деб ваҳий қилди. Ва: “Икковининг орасини ўлчанглар”, деди. Натижада бораётган томонига бир қарич яқин экан. Бас, у мағфират қилинди”.

Бошқа ривоятда: “Кўкси билан ўзини ўша томонга ташлади”, дейилган.

Муаллиф
islom.uz
Мавзуга оид мақолалар
. , . .6575. Оиз ибн Амр розияллоҳу анҳудан ривоят қилинадиБу киши Убайдуллоҳ ибн Зиёднинг ҳузурига кириб .Эй ўғилчам, мен Расулуллоҳ соллаллоҳу давоми...

1540 08:42 / 09.01.2019
Абу Саид алХудрий розияллоҳу анҳудан ривоят қилинади Набий соллаллоҳу алайҳи васаллам.Қачон масжидга боришга одатланган кишини кўрсангизлар, унинг иймонли давоми...

3001 09:25 / 24.03.2018
Яна у кишидан ривоят қилинадиРасулуллоҳ соллаллоҳу алайҳи васаллам.Етти киши борки, Аллоҳ Ўз соясидан бошқа соя бўлмаган Кунда уларни Ўз соясига олади одил имом давоми...

3998 09:05 / 29.06.2018
. , . ,. .6098. Абу Ҳурайра розияллоҳу анҳудан ривоят қилинадиНабий соллаллоҳу алайҳи васаллам.Аллоҳ бирор набий юборган бўлса, у албатта қўй боққан,, давоми...

1452 10:11 / 21.11.2018
Аудиолар

118742 11:58 / 10.10.2018
«Ҳилол» журнали
Китоблар

40703 14:35 / 11.08.2021