1445 йил 19 Рамазон | 2024 йил 29 март, жума
Минтақа:
ЎЗ UZ RU EN
Мақолалар

Шайтоннинг васвасасидан қутулиш йўллари

12:00 / 10.07.2020 7863 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Иблис алайҳилаънанинг васвасасидан мусулмон киши қандай қутулиши мумкин? Бунинг чораси борми? Албатта, қутулишнинг имкони бор. Қуйида васвасадан сақланишнинг бир қанча йўлларини баён қиламиз.


1. Қуръони каримни кўп тиловат қилиш. 

Инсон Қуръонни қанча кўп ўқиса, шайтондан шунча узоқ бўлади. 

2. Закот, садақа ва бошқа инфоқ-эҳсонлар. 

Ҳадисда шундай дейилган: “Сув оловни ўчиргани каби садақа ҳам хатони ўчиради”. 

3. Аллоҳни кўп зикр қилиш. 

Инсон доимо тасбеҳ, таҳлил, таҳмид, истиғфор ва дуолар билан ҳаёт кечирса, шайтоннинг макридан сақланади. Абу Ҳурайра розияллоҳу анҳудан ривоят қилинган ҳадисда Пайғамбар алайҳиссалом шундай деганлар: “Агар мўмин одам “Ла илаҳа иллаллоҳу ваҳдаҳу ла шарийка лаҳу лаҳул мулку валаҳул ҳамду ваҳува ала кулли шайъин қодийр” деб кун аввалида юз марта айтса,  бу нарса унга ўша куни шайтондан тўсиқ бўлади ҳамда ўнта қулни озод қилгандек савобга эришади, Аллоҳ унга юзта ҳасанот ёзади”. Бухорий ва Муслим ривоятлари. 

4. Илм, маърифат аҳлининг суҳбатларида қатнашиш, фазилат аҳли билан бига ўтириш, бекорчилар мажлисидан узоқлашиш. 

Дарҳақиқат, уламолар ва бошқа улуғ инсонларнинг суҳбатларидан баҳраманд бўлиш шайтоннинг макридан қутулишга ёрдам беради. Қолаверса, ғафлат, гуноҳ мажлислардан узоқ бўлиш ҳам шайтон васвасасидан қутқаради. Чунки, гуноҳ (ғийбат, фаҳш, зино, туҳмат, бекорчи гаплар гаплашиладиган) мажлисларга шайтон ҳам ташриф буюради. Шайтон иштирок этган мажлисда эса, бу гуноҳлардан ташқари, турли ман қилинган ичимликлар ичилади, бунинг натижасида кайфи ошиб қолганлар бир-бирини ҳақорат қилиб, бир-бирлари билан урушиб, обрўларини тўкиб, кабира гуноҳларни содир этадилар. 

5. Аллоҳга таваккул қилиш. 

Шайтондан сақланишнинг зоҳирий чораларини қилиб, натижасини Ўзидан кутиш, албатта, иблис тутқунидан қутулишга катта ёрдам беради.  

6. Ибодатларни Аллоҳга кучли ихлос билан бажариш.
7. Мустаҳкам ирода. 

Иродаси кучли инсон гуноҳлардан ўзини тияди, шайтон буюрган нарсаларга индамай эргашиб кетавермасдан, унга қақшатқич зарба бера олади. 

     Энг асосийси Аллоҳ таолонинг Китобига ҳамда Расулуллоҳ соллаллоҳу алайҳи васалламнинг суннатларига астойдил эргашиш, мустаҳкам тавҳидга эга бўлиш шайтоннинг орзу-умидларини пучга чиқарадиган асосий омилдир. 

 Аллоҳ таоло айтади: “Ким Аллоҳ (дини)ни маҳкам тутса, демак, у тўғри йўлга йўлланибди” (Оли Имрон, 101). 

Шайтон бизнинг душманимиз. Душман эса доимо душманига ёмонлик қилишни истайди. Шунинг учун унинг ёмонликларига дучор бўлмасликка ҳаракат қилайлик. Роббимиз бизларни шундай огоҳлантиради: “Шайтон изларидан эргашмангиз! Албатта, у сизларга аниқ душмандир” (Анъом, 142).  

Аллоҳ таоло барчамизни шайтон макридан асраб, унинг васвасаларидан қутулишимизни насиб этсин. Омин!  


Нозимжон Ҳошимжон



Манба
islom.uz
Мавзуга оид мақолалар
Аллоҳ таоло Қуръони Каримда инсониятга мурожаат қилиб, уларнинг Одам ато ва Момо Ҳавводан яратилганини айтиб, сўнг шундай марҳамат қилади.hellipсизларни ўзаро давоми...

2094 14:20 / 06.05.2019
Исломда мусулмон кишининг таниган ва танимаганга салом бериши суннат амалларидан бири ҳамда мусулмоннинг мусулмондаги вожиб ҳақлардан биридир. Зеро, саломлашиш давоми...

16594 11:30 / 09.10.2020
Абдурраҳмон Испанияга етиб келганида, Шимолий Африкадан келган араблар Иберия ярим оролига кириб келган ва Ислом тарихида энг шарафли битиклардан бирини ёза давоми...

2701 11:11 / 07.01.2020
Хаворижлардан бири Ҳасан Басрийнинг мажлисига келар, ёмон гаплар ёки қилиқлар билан беодоблик қилиб, мажлис аҳлига озор етказарди. Одамлар Ҳасан Басрийга Эй Абу давоми...

2818 20:02 / 12.11.2018
Аудиолар

118745 11:58 / 10.10.2018
«Ҳилол» журнали
Китоблар

40706 14:35 / 11.08.2021