1445 йил 19 Рамазон | 2024 йил 29 март, жума
Минтақа:
ЎЗ UZ RU EN
Ҳадис

Расулуллоҳ соллаллоҳу алайҳи васалламнинг суннатларини иҳё қилиш (28-тавсия)

16:15 / 16.03.2017 9194 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Амр ибн Авф розияллоҳу анҳудан ривоят қилинади: 

«Набий соллаллоҳу алайҳи васаллам бир куни Билол ибн Ҳорисга: «Билиб қўй, эй Билол!» дедилар. «Нимани билишим керак, эй Аллоҳнинг Расули?» деди. У зот шундай дедилар: «Билиб қўй, ким мендан кейин менинг амалдан қолган суннатларимдан бирини тирилтирса, унга ўша суннатга амал қилганларнинг ажрича ажр, амал қилувчиларнинг ажрларидан бирор нарса камайтирилмаган ҳолда берилади. Ким Аллоҳни ва Унинг Расулини рози қилмайдиган залолат – бидъатни пайдо қилса, унга ўша бидъатга амал қилганларнинг гуноҳларича гуноҳ бўлади. Бу эса (ўша бидъатга амал қилган) одамларнинг гуноҳларидан бирор нарсани камайтирмайди».

Термизий ва Ибн Можа ривоят қилишган.

Ушбу ҳадисдан олинадиган фойдалар:

1. Расулуллоҳ соллаллоҳу алайҳи васалламнинг амалдан қолган суннатларини қайта тирилтиришга тарғиб.

2. Амалдан қолган суннатни қайта тирилтирган одамга унга амал қилганларнинг савобларича савоб доимий ёзилиб туради.

3. Ўша тирилтирилган суннатга амал қилган одам ажридан бирор нарса камайтирилмай амалига яраша савоб олаверади.

4. Кимки бирор залолат-бидъатни пайдо қилса, унга амал қилганларнинг гуноҳича гуноҳ доимий ёзилиб туради.

5. Ўша пайдо қилинган залолат-бидъатга амал қилганлар ҳам гуноҳкор бўлишади.


Муҳаммад Али Муҳаммад Юсуф тайёрлади.



Муаллиф
islom.uz
Мавзуга оид мақолалар
. . Ҳузайфа розияллоҳу анҳудан ривоят қилинади .Набий соллаллоҳу алайҳи васаллам .Кишининг аҳлидаги, молидаги, боласидаги ва қўшнисидаги фитнасини давоми...

645 19:00 / 22 февраль
Абу Ҳурайрадан ривоят қилинади.Набий соллаллоҳу алайҳи васаллам .Одамларга ташаккур айтмаган одам Аллоҳга шукр қилмаган бўлади,, ndash дедилар,. Шарҳ Бу жуда давоми...

4391 05:00 / 06.03.2017
Гўзал хулқ ҳақида 15тавсия Абу Дардо розияллоҳу анҳудан ривоят қилинади.Набий соллаллоҳу алайҳи васаллам .Қиёмат куни мўминнинг мезонида ҳусни хулқдан оғирроқ давоми...

4593 17:04 / 08.01.2017
Фуқаҳоларимиз Қуръони карим ва Суннати мутоҳҳара, ижмоъ ва қиёс каби масдарлардан фойдаланиб, шаръий ҳукмлар чиқариш учун .Усулулфиқҳ, номли қонунқоидалар мажмуи давоми...

5717 16:02 / 10.11.2018