1445 йил 19 Рамазон | 2024 йил 29 март, жума
Минтақа:
ЎЗ UZ RU EN
islom.uz-1432

Охират одамлари (танловга)

17:06 / 19.04.2017 2585 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Бошдан тошиб ётар ғамлари,

Деярли йўқ бўш қалмоққа дамлари,

Кўпи расво, ибодатда камлари,

Охират одамлари.


Канда қилар баъзан илиқ каломни ҳам,

Унутади баъзилари саломни ҳам,

Парво қилмай қилар баъзан ҳаромни ҳам

Охират одамлари.


Ота ғариб кўролмайин экканини,

Она санар қачон келиб кетганини.

Билмайдими қайтар дунё эканини,

Охират одамлари.


Гуноҳларга бошигача ботиб кетган,

Кўксидаги бир парча эт қотиб кетган,

Жойи чиқса виждонини сотиб кетган,

Охират одамлари.


Бозорларда қўрқмай урар тарозидан,

Ёлғони кўп ҳақиқатдан рост сўзидан,

Фахрланар гуноҳидан,ўз-ўзидан

Охират одамлари.


Судхўрликдан нон топади ҳалол билиб,

Насиҳатни тингламайди малол билиб,

Савоб ишни ортга сурар бекор билиб

Охират одамлари.


Минг йўлини топиб ташлар зинони ҳам,

Имкон топиб ечинтирса дунёни ҳам.

Шу ҳақида орзуси-ю,армони ҳам…

Охират одамлари.


Ароқни ҳам сувдай ичар ютунмайин,

Тебранади шамол урган дарахтдайин,

Хушбўй билар шишадаги бадбўй майин

Охират одамлари.


Фарзандин ҳам сўкиш билан тили чиқар,

Сўкишнинг ҳам кундан-кунга хили чиқар,

Ҳазил билманг, бу ҳазилнинг зили чиқар

Охират одамлари.


Яхшилик ҳам келмай қолар қўлларидан,

Нафси ўраб олган ўнг-у, сўлларидан,

Шайтонни ҳам оздиради йўлларидан 

Охират одамлари.


Аёллари эр билан тенг олишар,

Борда билмай, йўқда доим нолишар,

Ўзни ҳар куй, бозорларга солишар

Охират одамлари.


Таомданмас, семирарлар ғийбат қилиб,

Охиратни эслатсанг гар, ўтар кулиб,

Беғамликда юрар нени сабаб билиб,

Охират одамлари?


Ибрат олмай боқадилар қабрларга,

Ўйлайдими бораман деб қасрларга.

Кун келади биз келамиз шу ерларга

Охират одамлари.


Кун ўтказар, тавбани ҳам ортга суриб,

Ўйламайди ер остини, устда юриб.

Тавба қилинг, жон ҳалқумга келмай туриб

Охират одамлари!


Қабрларга ёруғ юзла, шод киргани

Кўпайтиринг Ўша кунга захирани.

Жаннатларда бирга юрсак шояд, қани

Охират одамлари!?


Мағфиратнинг энг олийси Ўзингда жам,

Авф эт, бандинг, ожиз Абдуллатифни ҳам…

Аллоҳ дейлик, ҳақ тарафга босиб қадам

Охират одамлари!!!


Абдулатифдан


Муаллиф
islom.uz
Мавзуга оид мақолалар
Аллоҳ борлигига келтиргансан иймон.Лек ўз ҳолингга асло назар солмассан.Билгинки, Аллоҳга қул эрур инсон.Нечун қулликни зиммангга олмассанБуюрилган бир кунда давоми...

4187 17:24 / 19.04.2017
1. Исро ва Меърож ҳодисаси қачон юз берган 2. Пайғамбаримиз қачон туғилганлар 3. Ал фақру фахрий. 4. Моҳиятни англаш сари. 5. давоми...

2572 16:55 / 19.04.2017
Бошдан тошиб ётар ғамлари,Деярли йўқ бўш қалмоққа дамлари,Кўпи расво, ибодатда камлари,Охират одамлари.Канда қилар баъзан илиқ каломни ҳам,Унутади баъзилари давоми...

2585 17:06 / 19.04.2017
Ичимда чинакам шукрона ҳисси уйғонди. Ҳозиргина биз суҳбат қилган кишининг беморлигида бошидан кечган ҳиссиётлар таъсир қилаётганди Операция столидан яқнда давоми...

2684 16:28 / 19.04.2017
Аудиолар

118783 11:58 / 10.10.2018
«Ҳилол» журнали
Китоблар

40733 14:35 / 11.08.2021