1446 йил 17 рабиъул аввал | 2024 йил 20 сентябрь, жума
Минтақа:
ЎЗ UZ RU EN
Ақийда

Қуръон ғайри махлуқ эканлигига иймон

23:36 / 02.12.2016 7363 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Қуръон ҳақида  талашиб-тортишмаймиз. Унинг Роббил оламийннинг каломи эканига, уни Руҳул Амийн  олиб тушганига, саййидул мурсалийн, Муҳаммад соллаллоҳу алайҳи васалламга  ўргатганига гувоҳлик берамиз. У Аллоҳ таолонинг каломидир. Унга махлуқларнинг ҳеч бир каломи тенг бўла олмас. Уни халқ қилинган, демаймиз. Мусулмонлар жамоасига  хилоф қилмаймиз. 

  Шарҳ: Бу гапдан бир неча ишлар тушинилади:
1-Қуръон ҳақида мўътазилийлар талашиб-тортишганидек, талашиб -  тортишиб, фитна чиқармаймиз.
2-Унинг Аллоҳнинг каломи ва сифатларидан бир сифат эканлигига гувоҳлик  берамиз.
3-Уни Аллоҳнинг ҳузуридан Руҳул Амийн –Жиброил алайҳиссалом  келтирган.
4-Пайғамбарларнинг улуғи Муҳаммад ибн Абдуллоҳ соллаллоҳу алайҳи  васалламга ўргатган.
5-Унга халойиқнинг ҳеч бир каломи фасоҳатда, балоғатда,  мъжизакорликда, адолат ва садоқатда тенг кела олмайди.
6-Биз уни махлуқ, деб мусулмонлар жамоасига хилоф қилмаймиз.  Чунки, мўътазилийлардан бошқа ҳеч ким унинг махлуқ экани ҳақида гапирмаган.
«Уни Руҳул Амийн олиб тушганига (Шуаро сураси, 193) – Жиброил алайҳиссаломнинг  Руҳ, деб номланиши, у зотнинг ваҳий келтириши учундир. Чунки, ваҳий ила қалбларга  руҳ-жон киради.
«Саййидул мурсалийн, Муҳаммад соллаллоҳу алайҳи васалламга ўргатганига» бунда Жиброил У киши соллаллоҳу алайҳи васалламга ўргатганини очиқ  айтиши билан, у киши Қуръонни илҳомий равишда тасаввур қилган, деб атган Қарматий  мазҳабига раддия бордир.
«Уни халқ қилинган демаймиз. Мусулмонлар жамоасига хилоф қилмаймиз», деганида, ким Қуръонни махлуқ, деса, мусулмонлар жамоасига хилоф қилишга ишора  бордир. Биз мусулмонлар жамоасига бирор нарсада хилоф қилмаймиз. Чунки, бундай  хилоф йўлдан тойиш, залолат ва бидъатдир.
Далил: 
1-»Уни қалбингга огоҳлантирувчилардан бўлишинг учун очиқ-ойдин  араб тилида Руҳул Амийн олиб тушди». (Шуаро сураси, 193)
2-»Албатта, У ҳурматли Расулнинг сўзидир. У шоирнинг сўзи  эмасдир». (Ал-Ҳаққа сураси, 40)
3-»Албатта, У ҳурматли Расулнинг–қувват эгаси, арш эгаси ҳузурида маконоти бор, итоат қилинган, сўнгра ишончлининг сўзидир». (Таквир сураси, 19)
4-»У қилинган ваҳийдан бошқа нарса эмас. Уни қувватили, шиддатли  зот ўргатгандир». (Нажм сураси, 4)
5-»Унда шубҳа йўқ китобнинг туширилиши Роббил оламийндандир».  (Сажда сураси, 2)
6-»Ким ўзига ҳидоят аён бўлганидан кейин Пайғамбарга хилоф қилса  ва мўминлар йўлидан бошқа йўлга эргашса, уни юзланган томонига юзлантириб қўямиз  ва жаҳаннамга киритамиз. У қандоқ ҳам ёмон қайтар жой!» (Нисо сураси, 115) 

Муаллиф
islom.uz
Мавзуга оид мақолалар
Оиша розияллоҳу анҳодан ривоят қилинади Туғилган болаларни унинг ҳузурига келтириларди. Бас, уларга барака тилаб дуо қилар эди. Бир гўдакни ҳузурига келтирилди. давоми...

4637 17:04 / 08.01.2017
Аллоҳ таоло Ғошия сурасида айтади .Ўшал Кунда бир чеҳралар неъматланувчидир, 8оят. Бу чеҳралар бу дунёда иймон, ихлос билан ва ибодат, тақво билан ўтган давоми...

1814 19:00 / 04.09.2023
Тавҳид уч қисмдан иборатдир1. Сифатлар тавҳиди.2. Робблик тавҳиди.3. Илоҳийлик ибодатга сазоворлик тавҳиди.Сўнгра илоҳийлик тавҳидининг ўзи яна иккига давоми...

5969 14:40 / 31.12.2018
67. Воҳид.Ягона. Битта. Бўлинмас. У Зот ўз зотида ҳам, сифатларида ҳам ва ишларида ҳам бирдир.68. Сомад..Сомад, сифати кўп маъноларни ўз ичига оладиndash итоат қилинган давоми...

5514 11:10 / 11.02.2019
Аудиолар

129942 11:58 / 10.10.2018
«Ҳилол» журнали
Китоблар

50584 14:35 / 11.08.2021