1445 йил 19 Рамазон | 2024 йил 29 март, жума
Минтақа:
ЎЗ UZ RU EN
Сиз юборган

йўқолган нарсаларни масжидда эълон қилишнинг ҳукми

15:43 / 22.04.2017 2912 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Гоҳ-гоҳида молини йўқотиб, масжид имом домлаларидан жамоъатга эълон қилишни сўраб мурожаат қиладиган намозхонлар, уларнинг илтимосига биноъан “фалончининг фалон нарсаси йўқолибди, топиб олганлардан элтиб бериши сўралади”, деб кўпчиликка эълонномалар ўқиш ҳолатлари ҳам йўқ эмас. Барчамизга маълумки масжидлар Аллоҳнинг уйларидандир. Уларни бино қилинишидан мақсад мўмин-мусулмонларнинг унда эмин-эркин ибодат қилишларидир. Шунга кўра, масжидда дунёвий суҳбатларнинг барчаси шаръан ман қилинган. Шу қаторда нарсасини йўқотганларнинг масжиддаги эълонлари ҳам шаръан яхши қабул қилинмаган ишлар сирасига киради. Шу нуқтаи назардан бу мавзуни бугунги кунда долзарб масалалар қаторига қўшиш мумкин.

Ҳанафий олимларидан шайх Зайнуддин Биргивий (р.а.) “Тариқатул Муҳаммадия”да бу мавзуга алоҳида тўхталганлар ва қуйидаги ҳадисни келтирганлар: Абу ҳурайра (р.а.)дан ривоят қилинди: Расулуллоҳ соллаллоҳу алайҳи ва саллам айтдилар: “Кимки масжидда йўқолган нарса ҳақидаги эълонни эшитса, “Аллоҳ уни сенга қайтармасин”, деб дуо қилсин! Чунки масжидлар бу учун қурилган эмас.” (Имом Муслим. 1288.)

Жаноби Расулуллоҳ бу каби ҳақир эълонлардан қайтарибгина қолмай, ўшандайин эълонни эшитиб қолганларга ҳам қандай жавоб қилиш кераклигини уқтирмоқдалар. Яъни, “Илоҳим йўқолган нарсанг топилмасин”, деб дуо қилиш. Ҳадиснинг шарҳида уламолар бу каби дуо қилиш мустаҳаб даражасида, деган бўлсаларда, бу сўз Росулуллоҳнинг сўзи эканини доим ёдда тутишимиз керак. Зотавн ул зоти шарифнинг ҳар бир сўзлари буюк Парвардигорнинг амрларидир.

Ҳадиси шарифга биноъан масжидда турли-туман эълонларни ўқишлик яхши эмас. Чунки Масжид бу Аллоҳнинг уйи бўлиб унинг ўзига хос ҳурмат-эҳтироми бор. Унга риоя қилиш ҳар-бир мусулмоннинг бурчидир! Қандайдир арзимас дунё матоларининг йўқолгани ҳақидаги эълон билан ибодат учун келган намозхонлар жар солиш ва эътиборларини жалб қилиш ҳам масжидга ҳурматсизлик, ҳам суннатга хилоф амалдир. 

Энг ачинарлиси, масжидларда йўқолган оёқ кийимлар ҳақидаги эълонлардир. Бу каби хабарномаларни масжидда ўқиш меҳроб соҳиблари бўлмиш имом домлаларимизга асло нолойиқ ишдир! Қолаверса юқорида айтиб ўтилганиек бундайин эълонлар масжид ва мусулмонлар қадрини билмаслик ва ҳурматсизлик, деб баҳоланади.


Андижон шаҳар бош имом хатиби

 Валижон Сидиқметов



Муаллиф
islom.uz
Мавзуга оид мақолалар
1 Охиратни мақсад қилиб, барча диққатэътиборни бир ташвиш охират ташвишига қаратиш. Бу ҳақда Аллоҳ таоло Кимки охиратни истаса ва мўминлик ҳолида ўз саъйи давоми...

2429 15:06 / 22.04.2017
1961 йилда нашр қилинган Шу ҳафтада менга оқил кишилардан келиши мумкин бўлган саволларнинг энг ғариби келди. Савол соҳиби унинг мўмин кишининг уйида улғайган, давоми...

2467 11:22 / 27.03.2017
Дунёда ҳамма нарсанинг зидди бор иймон ва куфр, ҳидоят ва залолат, маърифат ва жаҳолат, эзгулик ва ёвузлик, риёзат ва шаҳват, савоб ва гуноҳ, мукофот ва жазо ва давоми...

2749 10:25 / 24.03.2017
Сени мухтож ва бекорчи қилиб қўядиган амалларни қилмагин ва илмни ўзигина қўлдан тутмаслигини яхши билгин. Буни мисоли шунга ўхшашки агар саҳродаги кишининг 10та давоми...

5463 09:48 / 24.03.2017
Аудиолар

118755 11:58 / 10.10.2018
«Ҳилол» журнали
Китоблар

40714 14:35 / 11.08.2021