1445 йил 18 Рамазон | 2024 йил 28 март, пайшанба
Минтақа:
ЎЗ UZ RU EN
Руҳий тарбия

Инсон организмига дуонинг таъсири

18:36 / 17.09.2017 6650 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Инсон руҳий ҳолатига дуо қандай таъсир қилиши мумкин?

Чин дилдан қилинган дуо инсон қалбини тинчлантиради. Айниқса дуонинг кучи турли хил касалликлар, руҳий ва жисмоний толиқишлар ҳамда қалб хасталикларини даволашда кузатилган. Ўтказилган тадқиқотларнинг барчаси шуни курсатадики, дуо инсон руҳий саломатлигига ута ижобий таъсир курсатади. Маълумки, диндор инсонлар тушкунлик ва руҳий зарба ҳолатларига кам тушишади. Модомики, шундай вазиятлар юз берса-да, улар бу ҳолатдан тезроқ чиқиб кета оладилар. Маҳзар Усмон айтади: «Руҳий хасталикларни даволашда дуонинг таъсири катта аҳамиятга эга. Дуонинг кучи ер тортиш кучи каби бор ҳақиқат. Мен ўз тажрибамда кўплаб одамларнинг фақатгина дуо кучи билан руҳий хасталик ва тушкунликлардан қутулганларининг гувоҳи бўлганман. Агар ҳар куни иймон-ихлос билан дуо қилсак, албатта, ҳаётимиздаги рўй беражак ўзгаришларни кўришга муваффақ бўламиз. Дуо хатти-ҳаракатларимизга ўз таъсирини ўтказиб, хотиржамлик ва ҳаловат бахшида этади. Аллоҳ субҳанаҳу ва таоло дуоларимизни ижобат айлаб, бизларни қийинчиликлар ва мушкулотлардан халос этиши муқаррардир.

Аллоҳ субҳанаҳу ва таоло Қуръони Каримда айтади: «Сен: «Агар дуо-илтижоларингиз бўлмаса, Роббим сизларга ҳеч қиймат бермас...», – деб айт. («Фурқон» сураси, 77-оят).

«Агар бандаларим Сендан мени сўрасалар, Мен, албатта, яқинман. Дуо қилгувчи дуо қилганда ижобат қиламан...» («Бақара» сураси, 186-оят).

«Менга дуо қилинглар, сизга ижобат қиламан...» («Ғофир» сураси, 60-оят).

Батаҳқиқ, Аллоҳ субҳанаҳу ва таоло бизларни дуо-илтижо қилишга буюрмоқда. Набий соллаллоҳу алайҳи васаллам: «Албатта, Роббингиз ҳаёли ва каримдир. У Зот бандаси Унга икки қўлини кўтарса, уларни бўш қайтаришдан ҳаё қилади», – дедилар (Абу Довуд, Термизий, ибн Можа ривоят қилишган).

Ахир, биз ҳар куни беш маҳал намозларимизда: «Фақат сенгагина ибодат қиламиз ва фақат сендангина ёрдам сўраймиз», – демаймизми? Ким бизга сўраган нарсамизни бера олади? Бутун куч-қудрат Аллоҳникидир! Ҳеч ким Унга бераётган неъматига тўсиқ бўла олмайди. Ва ҳеч ким У бермоқчи бўлган нарсани бера олмайди.

Роббимиз «Юнус» сурасида: «Агар Аллоҳ сени зарар ила тутса, Ундан ўзга ўшанга кушойиш берувчи йўқдир. Агар У сенга яхшиликни ирода қилса, Унинг фазлини рад қилувчи ҳам йўқдир. Уни бандаларидан хоҳлаганига етказади. У мағфират қилгувчи ва раҳмли Зотдир» – дея марҳамат қилади (107 оят).

Демак, фақатгина Аллоҳ субҳанаҳу ва таолога дуо-илтижо қилишимиз керак!

Муаллиф
islom.uz
Мавзуга оид мақолалар
Тоатларнинг сендан фавт бўлишига маҳзун бўлмаслик ва тойилишлар бўлса ҳам, қилганингга надомат қилмай қўйиш қалбнинг ўлими аломатларидандир.ndash Маҳзунлик ndash давоми...

5440 19:24 / 08.08.2017
Ўтган ҳафта сизларга муҳим бир масала ndash қалбнинг дунёга муҳаббат қўйиши ва бунинг оқибатида пайдо бўладиган ҳалокатли асоратлар ҳақида гапириб берган эдим. Ва давоми...

4153 16:42 / 02.12.2017
Қуйида Аллоҳга ва Унинг Расулига муҳаббатлари билан тилларда достон бўлган авлод ndash саҳобалар авлоди вакилларидан бирига Расулуллоҳ соллаллоҳу алайҳи васаллам давоми...

3736 10:35 / 26.12.2018
Зикрни унда Аллоҳ билан ҳозир бўлмаганинг учун тарк қилма Чунки У Зотнинг зикри йўқлигидаги ғафлатинг Унинг зикри борлигидаги ғафлатингдан оғирроқдир. Шоядки, У давоми...

6144 19:16 / 08.08.2017
Аудиолар

118737 11:58 / 10.10.2018
«Ҳилол» журнали
Китоблар

40699 14:35 / 11.08.2021