1445 йил 19 Рамазон | 2024 йил 29 март, жума
Минтақа:
ЎЗ UZ RU EN
Мақолалар

Амали солиҳга шошилиш вожибдир

13:40 / 15.02.2019 3814 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Абу Ҳурайра розияллоҳу анҳудан ривоят қилинади:

«Набий соллаллоҳу алайҳи васаллам:

«Кечанинг зулмат бўлакларига ўхшаш фитналар келгунча амалларни қилиб қолишга шошилинг. Ўшанда киши мўмин бўлиб тонг отдириб, кофир бўлиб кеч киритади. Мўмин бўлиб кеч киритиб, кофир бўлиб тонг отдиради. У ўз динини дунёнинг ўткинчи ҳавасига сотади», дедилар».

Муслим ва Термизий ривоят қилишган.

Шарҳ: Бу ҳадиси шарифда Пайғамбар алайҳиссалом кучли фитна бўладиган замон келишидан олдин солиҳ амалларни қилиб қолишга тарғиб қилмоқдалар. Бу ҳаммага вожибдир.

Шундоқ замонлар бўлар эканки, унда одам бир кечаю кундуз орасида иймон ва куфрда тез-тез алмашиб турар экан. Энг даҳшатлиси, банда ўз динини дунё учун сотиб юборар экан. Аллоҳ таолонинг Ўзи асрасин!

Яна ўша кишидан ривоят қилинади:

«Набий соллаллоҳу алайҳи васаллам: «Етти нарсадан олдин амалларга шошилинг! Сизлар унутилган фақирни, туғёнга кетказувчи бойликни, бузғунчи хасталикни, фоний қилувчи қариликни, шошқалоқ ўлимни ва Дажжолдан бошқа нарсани кутаётганингиз йўқ. Бас, (олдинда) кутилаётган ёмонлик ёки (қиёмат) соати бордир. Соат эса, шиддатли ва аччиқдир», дедилар». 

Термизий ва ал-Ҳоким ривоят қилишган. 

Шарҳ: Заррача ақли бор одам боласи ўзича бир ўйлаб кўрса, албатта, уни келажакда ушбу ҳадиси шарифда зикр қилинган нарсалар кутаётганини англаб етади. Уларнинг ёмонлигидан қутулиш учун эса, ёмонликлардан узокда бўлиш, иложи борича кўпроқ амали солиҳ қилиш зарур бўлади.


Яна ўша кишидан ривоят қилинади:

«Набий соллаллоҳу алайҳи васаллам: «Олти нарсадан олдин амалларга шошилинг: қуёш мағрибдан чиқишидан, Тутундан, Дажжолдан, Доббадан, ўлимдан ва омманинг амридан», дедилар».

Муслим ва Аҳмад ривоят қилишган.

Шарҳ: «Омманинг амри» иборасида қиёмат кўзда тутилган.

Бу нарсалар қиёматнинг аломатлари бўлиб, улар билан ўз ўрнида батафсил танишамиз.

Хуллас, банда имкони борида амали солиҳни қилиб қолиш пайидан бўлиши лозим. Аллоҳ таоло уни шунга амр қилган. Бошқа турли баҳоналарни топиб, ибодат, тақво ва яхши амаллар қилишдан ўзини четга олишига амр қилмаган.


Манба
islom.uz
Мавзуга оид мақолалар
Ҳилм инсон вужудининг хушманзара боғидир ва одамийлик оламининг жавоҳирга бой тоғидир. Юмшоқ кўнгиллик ҳодисалар тўла денгиздаги кишилик кемасининг лангари давоми...

5388 11:02 / 09 февраль
Кеч киргач, Риёҳ аёлини синаш учун уйқуга кетди. Кечанинг чорак қисмини қиёмда ўтказган аёл Туринг, эй Риёҳrdquo деб эрини тунги намозга уйғотди. Риёҳ Ҳозир давоми...

4605 12:20 / 07.12.2018
Молик ибн Динордан ривоят қилинади .Умар ибн Абдулshyазиз халифалик тахтига ўтиргач, тоғтошларда қўй боқиб юрган чўпонлар .Одамларга волий бўлиб келган бу солиҳ давоми...

1523 07:00 / 13.07.2019
Ваҳб ибн Мунаббаҳ айтади .Бир олим ўзидан илмлироқ кишидан сўрадиndash Қандай иморат қурайndash Қуёшдан ва ёмғирдан сақлашга кифоя қиладиганини.ndash Қанча таом ейинndash давоми...

1396 08:10 / 19.05.2019
Аудиолар

118744 11:58 / 10.10.2018
«Ҳилол» журнали
Китоблар

40705 14:35 / 11.08.2021