252 16.01.2017

Ҳаж қилиш вожиб бўлган (биринчи навдаги) шартлар топилиб, ҳаж қилолмай қолган киши учун ҳажни васият қилиб қолдириши важиб бўлади. Ҳажни Адо қилиш (амалга ошириш) шартлари топиладими йўқми уни аҳамияти йўқ.


Қачонки ҳаж вожиб (фарз) бўлиш ва ҳажни адо этиш (амалга ошириш) шартлари топилса, зудлик билан ҳаж вожиб (фарз) бўлади. 

Ҳажни шартлари топилган киши ҳаж қилмаса, сўнг бир неча йиллардан сўнг камбағал бўлиб, ҳажга қодир бўлмай қолса, ҳаж унинг зиммасида қарз бўлиб қолади. Камбағаллиги сабабли ҳаж унинг бўйнидан соқит бўлмайди. Мол ўзи ҳалокатга учраши ёки мол эгаси молни ҳалокатга учратишини фарқи йўқ. 

Ҳаж зиммасида қарз бўлиб қолган камбағалга ҳажни адо этиш учун қарз олиши жоиздир.

Бошқа монеъликларни пайдо бўлиши ҳам шунга ўхшаш. Ҳажни шартлари топилса у киши ҳаж қилмаса, сўнг бир неча йиллардан кейин, кўр бўлиб қолса ва шунга ўхшаш монеълик пайдо бўлиб, ҳажга қодир бўлмай қолса, ҳаж унинг зиммасида қарз бўлиб қолади. Чунка у ҳажга қодир бўла туриб, бепарволик билан ҳажни адо қилмади.



Қодиров Ҳ.