1440 йил 15 жумадул аввал | 2019 йил 21 январь, душанба
Минтақа:
ЎЗ UZ RU EN AR
Янгиликлар

Шавкат Мирзиёев Самарқанддаги икки илм масканини кўздан кечирди

14:04 / 11 январь 157 pdf Ўқиш режими + -

Президент Шавкат Мирзиёев Самарқанд вилоятига ташрифи чоғида дастлаб Имом Бухорий мақбарасини зиёрат қилди.

Давлатимиз раҳбари ушбу марказда яратилган шароитларни кўздан кечирди.

Марказ Имом Бухорий ва бошқа мутафаккир алломаларимизнинг бебаҳо илмий-маънавий меросини ўрганиш, улар яратган асарларнинг илмий-изоҳли таржима ва қиёсий матнларини нашр этиш, мамлакатимиз ва хорижий давлатлардаги кутубхоналар, архив фондларида сақланаётган қўлёзмаларнинг электрон нусхаларини тўплаш, уларни халқимиз ва жаҳон жамоатчилигига етказиш билан шуғулланади.

Музей билан танишар экан, Президентимиз бу жой зиёратчиларга Имом Бухорий ҳақида тасаввур, билим беришини таъкидлади.

– Дунё харитасида яна бир илмий марказ пайдо бўлди. Бу марказ мамлакатимизга илм, барака олиб келади. Ёшларимизга билим, куч беради. Бу ерда ўқиганлар, зиёратган келганлар катта маънавият, маърифат олади, – деди Шавкат Мирзиёев.

Давлатимиз раҳбари қўлёзма китобларни авайлаб сақлаш, таржима қилиб, халққа етказиш бўйича кўрсатмалар берди.

Имом Бухорий илмий-тадқиқот марказига ҳамоҳанг яна бир олий диний таълим муассасаси – Ҳадис илми мактаби ҳам бунёд этилган. Шавкат Мирзиёев ушбу мактаб билан ҳам танишди.

Буюк аждодларимиз асос солган Ҳадис илми мактаби фаолиятини ташкил қилиш мамлакатимиз маънавий тараққиётининг бугунги босқичида муҳим аҳамият касб этади. Ташкил этилган муассаса ўз олдига ҳадис  илмининг илмий-назарий асосларини чуқур ўрганиш, хорижий тилларни чуқур ўргатиш, «Устоз-шогирд» анъаналари асосидаги машғулотларни ташкил этиш, дунёвий давлатда диний қадриятларни асраб-авайлаш, ҳадис илми уламолари асарларининг илмий-изоҳли таржима ва қиёсий матнларини тайёрлаш, ўзбек ва хорижий тилларда нашр этиш, илмий семинарлар, конференциялар ташкил этиш, энг муҳими, «Жаҳолатга қарши – маърифат» шиори асосида муросасизлик, экстремизм ва терроризмнинг ҳар қандай кўринишларига илм-маърифат, юксак одоб-ахлоқ билан қарши туришдек катта вазифаларни қўйган.

Президентимиз мактабда ўқитиш услубларини такомиллаштириш, халқаро илмий марказлар билан ҳамкорликни ривожлантириш зарурлигини таъкидлади.

Islom.uz портали таҳририяти

Манба
president.uz
Мавзуга оид мақолалар
Бугун .Мирза Юсуф, Бодомзор жоме масжиди имомхатиби Саййид Раҳматуллоҳ Термизийнинг волидаи меҳрибонлари Кимёхон Тўра ҳожи қизлари оламдан ўтдилар.Шу муносабат давоми...

441 16:55 / 13.10.2018
Жазоирнинг алБлида шаҳри чеккасидан жой олган масжид кўпчиликнинг диққатэътиборини умуман ўзига тортмайди. Чунки масжид кўримсизгина бўлиб, у ер остида давоми...

1875 10:07 / 14 январь
.Нуруул Мустафо, Қуръон ва ҳадис маркази томонидан ташкил этилган мусобақада Ҳиндистоннинг 10 та шаҳрида жойлашган 53 та Қуръон марказларидан жами 1032 нафар давоми...

104 14:49 / 03 январь
.hellipВа мусобақа қилувчилар шу нарса учун мусобақа қилсинлар,Мутоффифун сураси, 26оятБандаларини Ўзининг розилиги йўлида мусобақалашишга чақирган Аллоҳ субҳанаҳу давоми...

164 09:58 / 04.12.2018
Топ рейтинг www.uz Openstat