1445 йил 19 Рамазон | 2024 йил 29 март, жума
Минтақа:
ЎЗ UZ RU EN
Янгиликлар

Франкфурт университети Қуръон лойиҳаси учун 2.7 млн евро ажратди

15:40 / 25.12.2018 1688 pdf Ўқиш режими + -

Германиянинг Гёте-Франкфурт университети Ислом фанлари ва жамият академияси томонидан тадқиқотлар учун Қуръони карим билан боғлиқ иккита катта лойиҳани киритди, деб хабар беради IQNA. 

Мазкур лойиҳа учун 2,7 млн евро ажратилган. Ушбу лойиҳа Германиядаги Исломий тадқиқотлар академияси, Федерал таълим ва тадқиқот вазирлиги ҳамда Меркатор хусусий фонди томонидан қўллаб-қувватланган. Тадқиқотчилар 2020 йилга қадар “Қуръони карим тафсирлари учун маълумотлар базаси” ва “Қуръони карим қоидалари” лойиҳалари устида иш олиб боришади.  

Рақамли Қуръон (биринчи лойиҳа)

Ушбу лойиҳада Гёте – Ислом академияси билан Ҳамбург ва Гиссен университети тадқиқотчилари ҳам бирга ишлашмоқда. Улар Ислом динининг илк даврига оид онлайн маълумотлар базасини яратишга ҳаракат қилмоқдалар. Бу лойиҳани амалга оширишда араб тилидаги энг қадимий ва мукаммал тафсир ҳисобланган тафсири Табарий асос қилиб олинган. Лойиҳага кўра, маълумотлар онлайн маълумотлар базасига жойлаштирилиб, фойдаланувчилар учун очиқ бўлади. Шу тариқа Ислом тарихи ва Қуръони карим тафсири ҳақидаги қимматли маълумотлар кенг оммага очиқ тақдим этилади. Жараён кучли илмий тадқиқотларга асослангани боис, тадқиқот гуруҳи Германия исломий жамияти мутахассислари билан ҳамкорлик қилишади.

Микроскоп остида исломий матнлар ва манбалар (иккинчи лойиҳа)

Қуръони карим қоидалари лойиҳаси устида Эрланген-Нуренберг ва Тюбинген университети тадқиқотчилари ҳамкорликда иш олиб бормоқдалар. Мазкур лойиҳада Германиядаги мусулмонлар билан боғлиқ муаммоли масалаларни инобатга олган ҳолда Қуръони каримдаги қоидалар ва ахлоқ орасидаги муносабатларга эътибор қаратилган. Тадқиқотчилар ушбу лойиҳа доирасида Қуръони каримнинг 600 та оятини ўрганиб чиқишади.    

Исломий таълимни мустаҳкамлаш

Гёте университети Исломий академияси директори, профессор Бекхам Айигия мазкур тадқиқотлар аҳамияти ҳақида тўхталиб шундай деди: “Ушбу икки тадқиқот лойиҳасида биз ҳозирги кунда жамиятимиз учун энг катта аҳамиятга эга бўлган масалалар устида бош қотиряпмиз. Исломий академия илоҳиётшунослик соҳасидаги тадқиқотлар ва уларни кучайтириш орқали Германия мусулмонларини қизиқтирган муҳим масалаларга жавоб бериш учун ташкил этилган”.


Islom.uz портали таҳририяти

Манба
IQNA
Мавзуга оид мақолалар
Уммондаги Қироллик Исломий стратегик тадқиқотлар маркази томонидан 2009 йилдан бери эълон қилиб келинаётган .Жаҳондаги энг нуфузли 500 мусулмон, рўйхатидан давоми...

1452 20:01 / 27.10.2020
Ушбу Қуръон мусобақаси ҳақиқатан ҳам Қуръондан дарс берувчи ўқитувчилар ўртасида бўлиб ўтмоқда. Абдуллоҳ алАли алМутавваrdquo мукофоти учун ташкил этилган Қувайт давоми...

1658 15:11 / 13.03.2019
Москва биржаси 19 октябр куни Россияда биринчи Ислом инвестиция индекси Islamic Investment index йўлга қўйилганини маълум қилди.Мамлакатнинг энг йирик банки ndash Сбербанк давоми...

1145 06:00 / 28.10.2021
Ҳар йили ўтказиладиган очиқ эшиклар куни доирасида ўтган ҳафтада турли дин вакиллари Германия бўйлаб 900 та масжидга ташриф буюрдилар, ndash деб хабар беради Al Bawaba. давоми...

1649 14:34 / 08.10.2018
Аудиолар

118785 11:58 / 10.10.2018
«Ҳилол» журнали
Китоблар

40735 14:35 / 11.08.2021