1445 йил 19 Рамазон | 2024 йил 29 март, жума
Минтақа:
ЎЗ UZ RU EN
Сотувдаги янги маҳсулотлар

«Мўминнинг умр сафари - муфассал ҳаж китоби» қайта нашр этилди

14:19 / 05.11.2018 2016 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Шайх Муҳаммад Содиқ Муҳаммад Юсуф ҳазратларининг қаламларига мансуб «Мўминнинг умр сафари - муфассал ҳаж китоби» деб номланган китоб.

МУҚАДДИМАДАН

БИСМИЛЛАҲИР РОҲМАНИР РОҲИЙМ

Бандаларига умрида бир маротаба ҳаж қилишни фарз қилган, ҳар вақт умра ибодатини бажаришни суннат қилган, Ўз Пайғамбарига Ҳаж ва Фурқон сурасини нозил қилган Аллоҳ таолога ҳамду санолар бўлсин! 

Ҳаж ва умра ибодатини адо этиш йўлларини умматга ўргатиб кетган Расулуллоҳ соллаллоҳу алайҳи васалламга, у зотнинг оилаларига ва саҳобаларига кўплаб салавоту саломлар бўлсин!

 Қуръон ва Суннатдан ҳаж ибодатларини ўрганиб, таҳлил этиб ва тартиблаб баён қилиб берган уламоларимизга Аллоҳ таолонинг раҳматлари бўлсин!

Мухлисларимизга яхши маълумки, «Ҳилол-нашр» нашриётимиз мўмин-мусулмонларга Ислом арконларини ўргатувчи муфассал китоблар силсиласини тақдим этишни режалаган эди. Алҳамдулиллаҳ, ушбу силсилага кирувчи «Мўминнинг меърожи» (муфассал намоз китоби), «Мўминнинг қалқони» (муфассал рўза китоби), «Мўминнинг нажоти» (муфассал закот китоби) нашр этилиб, ўқувчиларимиз томонидан севиб ўқиб-ўрганилмоқда. 

Бугун сиз, азизларга ушбу силсилага кирувчи китобларнинг навбатдагиси – «Мўминнинг умр сафари» (муфассал ҳаж китоби)ни тақдим этаётганимиздан мамнунмиз. Бу китоб ҳаж ва умра ибодати ҳақида нашр этилган аввалги китоблардан шу билан фарқланадики, унда Аллоҳга севимли, ўта масъулиятли бу ҳам баданий, ҳам молий, ҳам руҳий ибодатнинг моҳияти, унинг рукнлари ва нусуклари, ҳаж ва умранинг фиқҳий асослари тартиби билан янада кенгроқ, тушунарлироқ ва муфассалроқ баён қилиб берилган. 

Китобимизнинг аввалида ҳаж ибодати ҳақидаги умумий тушунчалар, ҳаж ва умранинг васфи ва фазилати  ҳақида келган Қуръони Каримнинг ояти карималари ва Пайғамбар алайҳиссаломнинг ҳадислари, ҳаж ибодатининг жорий этилиш тарихи, ҳажнинг турлари, бу ибодатни адо этиш билан боғлиқ макон ва замон тушунчалари кенг баён қилиб берилди. Шунингдек, китобдан ҳажнинг аҳкомлари, унинг одоблари, нозик сирлари, ҳажга тайёргарлик кўришда нималарга эътибор бериш кераклиги ҳақидаги масалалар ҳам ўрин олган.

Ҳар йили ҳаж ва умра қилиш учун сафарга чиқадиган минглаб мусулмонларимиз ўзларига керакли кийим, таом, маблағ ва бошқа нарсалар билан бирга ибодатларининг мақбул бўлиши учун ўта зарур бўлган рисола, қўлланмалардан олишса, мақбул иш бўлур эди. Шундай қилишса, ҳаж ибодатига киришар эканлар, уни қай тартибда адо қилишда, қайси ўринда нима қилиш кераклигини англашда, ҳаж ва умранинг фарз, вожиб, суннатларини ажратишда, қаерда қандай дуо ва зикрларни ўқишда қийналиб қолишмайди. 

Ана шуларни ҳисобга олиб, мазкур китобимизда ҳаж ва умра қилишнинг тартиб-қоидалари, ҳаж ва умрада бажариладиган турли амаллар, эҳромга кириш, тавоф, саъй, бадал ҳажи кабиларни бажариш йўллари, ҳаж ва умрада беихтиёр йўл қўйиладиган хатолар ва уларнинг каффорати атрофлича баён қилиб берилди. Шунингдек, Мино, Арафот, Муздалифа, Жамарот, Мадинаи мунаввара каби маконларда қандай амаллар адо этилиши ҳам тартиби билан ёритилди. Китобимизда аёлларнинг ҳаж қилишдаги ҳолатлари, бунда уларнинг эркаклардан қандай фарқланишлари масалалари ҳам батафсил кўрсатиб берилган.  

Аллоҳ таолонинг ушбу китобни ҳам бошқалари каби Ўзининг йўлидаги хайрли ишлардан бири сифатида қабул айлашидан ва уни мусулмонлар учун манфаатли қилишидан умидвормиз. 


Муаллиф: Шайх Муҳаммад Содиқ Муҳаммад Юсуф
Номи: «Мўминнинг умр сафари - муфассал ҳаж китоби»
Нашриёт: «HILOL NASHR» Нашриёти
Сана: 2018
Ҳажми: 232 бет
ISBN: 978-9943-5112-8-6
Ўлчами: 84×108 1/32
Муқова: юмшоқ


Ўзбекистон Республикаси Вазирлар Маҳкамаси ҳузуридаги Дин ишлари бўйича қўмитанинг 1843-сонли хулосаси ила чоп этилган

 

Мундарижа

Сўзбоши

Ҳаж қандай ибодат?

Қуръони Карим ҳаж ҳақида

Ҳаж мавзусига доир қирқ ҳадис

Ҳаж ҳақидаги бошқа ҳадиси шарифлар 

Ҳаж ибодатининг тарихи

Ҳажнинг одоблари  

Ҳажнинг нозик сирлари

Ҳажгa тaйёpгapлик

Ҳаж сафарига чиқувчига тавсиялар  

Уйдан чиқиш

Яқинларидан рухсат олиш

Ҳаж қилувчи кишидан дуо сўраш

Уловга чиққанда ўқиладиган дуо

Бирор жойга тушганда ўқиладиган дуо

Денгиздан самолётда ёки кемада ўтиб 

кетаётганда ўқиладиган дуо

Сафар давомида ўқиладиган дуо

Ҳаж ибодати турлари

Ифрод 

Таматтуъ 

Қирон

Ҳажнинг аҳкoмлapи

Ҳaжнинг фapзлapи

Ҳажнинг вoжиблapи

Ҳажнинг cуннaтлapи

«Ҳажи мабрур» деб нимага айтилади?

«Ҳажи акбар» деб нимага айтилади?

Ҳаж ва умрада бажариладиган амаллар  

Ҳажнинг беш куни

Эҳромга кириш

Мийқот

Талбия айтиш

Эҳромда қилиш ёки қилмаслик керак бўлган 

амаллар ҳамда уларнинг каффоратлари

Жинoятлap ва уларнинг каффорати

Ҳарами шарифга кириш

Taвoфни бошлаш

Биринчи айланишда ўқиладиган дуо

Иккинчи айланишнинг дуоси

Учинчи айланишда ўқиладиган дуо

Тўртинчи айланишнинг дуоси

Бешинчи айланишнинг дуоси

Олтинчи айланишнинг дуоси

Еттинчи айланишнинг дуоси

Замзам сувидан ичиш  

Сафо ва Марва орасида саъй қилиш 

Минода туриш

Минода қилинадиган амаллар

Арафотда туриш

Муздалифада бўлиш

Шайтонга тош отиш

Ташриқ ва қурбонлик кунлари

Тавофнинг турлари

Тарк қилинса, қон вожиб бўладиган 

вожиб амаллар

Тарк қилинса, қон вожиб бўлмайдиган 

вожиб амаллар

Aёл кишининг ҳaжи

Аёлларга алоҳида кўрсатмалар

Бaдaл ҳажи  

Ҳаж ва умра қачон фосид бўлади?

Умpa

Умранинг фарз ва вожиблари

Умра амалларида тартибга риоя қилиш

Рамазонда умра қилиш

Қурбонлик ва ташриқ кунлари ҳожининг 

умра қилиши

Maдинaи мунаввара зиёpaти

Равзаи муборакда набий соллаллоҳу алайҳи 

васалламга салом айтиш одоби  

Мадинаи мунавварадан қайтиш одоби

Мадинаи мунаввара хурмоларидан ватанига олиб кетиш

Ўз ватанига яқинлашганда

Видолашув ҳажи 

Вадо хутбаси

Зарур илова

Ҳожилар ҳаждан қайтишди...


Тошкент шаҳри: (+998 71) 216 29 27

Тошкент, Чорсу (+998 91) 134 82 88

Тошкент, Шайҳонтоҳур (Кўкча) (+998 97)  7552370

Наманган шаҳари: (+998 90) 322 25 22

Андижон шаҳри: (+998 90) 2110574

(илтимос код билан теринг!)

Марғилон шаҳри: (+99895) 401 49 03

Самарқанд шаҳри: (+99891) 522 44 99

Денов шаҳри: (+99893) 5035694

Ургенч шаҳри: (+99891) 4210010

www.hilolnashr.uz

(Иш вақти 09:00 - 17:00)

Муаллиф
Шайх Муҳаммад Содиқ Муҳаммад Юсуф
Манба
«Hilol-nashr» нашриёти
Мавзуга оид мақолалар
.Олтин силсила, 2жузи қайта нашри.Олтин силсила, мажмуасининг иккинчи жузи.Китобнинг муқаддимаси httpislom.uzcontentview2929149Муаллиф Шайх Муҳаммад Содиқ Муҳаммад Юсуф ва давоми...

916 10:23 / 07.09.2020
Шайх Муҳаммад Содиқ Муҳаммад Юсуф ҳазратларининг қаламларига мансуб .Расулуллоҳ соллаллоҳу алайҳи васаллам, деб номланган китоблари.Таржимон Шайх Муҳаммад давоми...

1690 11:00 / 02.11.2021
.Тафсири Ҳилол, 6 жилд нашрдан чиқдиШайх Муҳаммад Содиқ Муҳаммад Юсуф ҳазратларининг қаламларига мансуб олти жилдлик .Тафсири Ҳилол,нинг иккинчи нашри cотувга давоми...

2951 05:00 / 02.02.2015
Шайх Муҳаммад Содиқ Муҳаммад Юсуф ҳазратларининг қаламларига мансуб .Ҳадис ва Ҳаёт, туркумининг .Нубувват хонадони хонимлари, деб номланган 25жузи..Ҳадис ва Ҳаёт, давоми...

1190 13:14 / 06.10.2021
Аудиолар

118781 11:58 / 10.10.2018
«Ҳилол» журнали
Китоблар

40730 14:35 / 11.08.2021