1440 йил 18 жумадис сони | 2019 йил 23 февраль, шанба
Минтақа:
ЎЗ UZ RU EN AR
Ҳадис

Ихлоснинг фазли (22-тавсия)

17:04 / 08.01.2017 1034 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Ихлоснинг фазли (22-тавсия)

 

Муоз ибн Жабал розияллоҳу анҳудан ривоят қилинади:

«Расулуллоҳ соллаллоҳу алайҳи васаллам мени Яманга юбораётганларида: «Эй Аллоҳнинг Расули, менга тавсия беринг», дедим. У зот соллаллоҳу алайҳи васаллам: «Динингда холис бўл, шунда озгина амал ҳам сенга кифоя қилади», дедилар».

Ҳоким ривоят қилган.

 

Изоҳ: Инсон иймонини нафсининг васвасасидан, тоатини риёга олиб борувчи нарсалардан покласа, ихлос билан қилган озгина амали ҳам унга кифоя қилади.

 

Савбондан ривоят қилинади:

«Расулуллоҳ соллаллоҳу алайҳи васалламнинг шундай деганларини эшитганман: «Мухлис бандаларга шодлик бўлсин! Улар ҳидоят шамчироқларидир. Ҳар қандай зулматли фитна улардан зоил бўлади».

Байҳақий ривоят қилган.

 

Изоҳ: Амалларини ширкдан, риёдан поклаган, ички дунёсини ислоҳ қилган мухлис бандаларга охиратда кўзни қувонтирадиган шодлик ваъда бўлди. Улар одамларни ҳидоятга чорловчи ҳидоят маёқларидир. Аллоҳга бўлган  ихлослари туфайли бу зотлар динларида ҳеч қандай фитнага учрамайдилар.

 

Абу Умома розияллоҳу анҳудан ривоят қилинади:

«Набий соллаллоҳу алайҳи васаллам: «Аллоҳ азза ва жалла фақат холис амални, Ўзининг важҳи исталган амалнигина қабул қилади», дедилар».

Абу Довуд ва Насоий ривоят қилишган.

 

Ҳадислардан олинадиган фойдалар:

1. Динда холис бўлган банданинг ихлос билан қилган озгина амали ҳам унга кифоя қилади.

2. Амалларини ширкдан, риёдан поклаган, ички дунёсини ислоҳ қилган мухлис бандаларга охиратда кўз қувончи бўладиган шодлик насиб бўлади.

3. Мухлис бандалар  одамларни тўғри йўлга чорловчи ҳидоят маёқларидир. Аллоҳга бўлган  ихлослари туфайли улар дин борасида ҳеч қандай фитнага учрамайдилар.

4. Аллоҳ таоло Ўзи учун ихлос билан қилинган амалларнигина қабул қилади.

 

Муҳаммад Али Муҳаммад Юсуф тайёрлади.

Муаллиф
islom.uz
Мавзуга оид мақолалар
Аллоҳ таоло.Раҳматим эса ҳамма нарсадан кенгдир. Уни тақво қилганларга, закот берганларга, оятларимизга иймон келтирганларга ёзажакман,, деган .Аъроф, сураси, давоми...

1667 17:36 / 02.04.2018
Барча ҳамду санолар ёлғиз Аллоҳгадир. У Зотнинг ҳабиби Муҳаммад мустафо соллаллоҳу алайҳи васалламга, у зотнинг аҳлига ва асҳобига салоту салом бўлсин.Ташбеҳ давоми...

2133 13:28 / 21.06.2017
Маъсиятларни тарк қилиш ҳамдаАллоҳ таолонинг тоати ва зикрини маҳкам тутиш19тавсия Умму Анас розияллоҳу анҳодан ривоят қилинади.Эй Аллоҳнинг Расули, менга тавсия давоми...

1204 16:11 / 07.01.2017
Абу Зарр розияллоҳу анҳудан ривоят қилинади.Халилим соллаллоҳу алайҳи васаллам менга етти нарсани тавсия қилдилар мискинларни яхши кўриш ва уларга яқин бўлиш давоми...

2590 17:19 / 15.09.2017
Видеолар

107 20:00 / 22 февраль
Аудиолар

9428 11:58 / 10.10.2018
Топ рейтинг www.uz Openstat