Маҳрам билан хажга боришдаги ҳийла
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Савол:
Ассалому алайкум! Баъзи аёллар маҳрами йўқлиги ёки маҳрам билан боришнинг имконияти йўқлиги сабабли, бошқа бегона эркакларга никоҳланиб ҳажга кетишади. Яъни ҳийла ишлатишади. Қайтиб келганидан сўнг бу никоҳ ҳақида ҳеч ким эслаб ҳам ўтирмайди, ваҳоланки улар шаръан эр-хотин бўлиб қолишади. Савол : бундай ҳийла никоҳи шариатда жоизми?
Жавоб:
"Зикр аҳлидан сўранг" ҳайъати:
Ва алайкум ассалом! Шариатимизда никоҳнинг ўз мақсадлари бўлиб, улардан бири эр ва аёл ўз иффатларини сақлаши ва насл қолдиришлари ҳисобланади. Ҳажга кетишдаги никоҳда бундай мақсад кўзда тутилмайди. Лекин никоҳнинг шартлари топилган ҳолда никоҳ қилинган бўлса, албатта никоҳ боғланади, улар шаръан эр-хотин ҳисобланадилар. Эрнинг зиммасига маҳр вожиб бўлади ва албатта ўз-ўзидан нафақа, эр вафот топса идда, мерос масалалари уларга жорий бўлади. Сиз айтганингиздек бу никоҳда шу ҳақларни зое бўлиши, кимларнингдир ҳаққи кимларгадир ўтиб кетиши ҳолатлари вжудга келади. Валлоҳу аълам.
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
