1445 йил 19 Рамазон | 2024 йил 29 март, жума
Минтақа:
ЎЗ UZ RU EN
Савол жавоб

Фарзанднинг сиҳати исмига боғлиқми?

15:49 / 11.04.2016 3242 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Фарзандимизга Иброҳим деган исм қўйган эдик. Лекин у негадир чақалоқлигиданоқ кўп касал бўлар, баъзида ҳушидан кетиб, ўзини йўқотиб қўяр эди. Бу ҳол беш йил давом этди. Танишлардан бири: «Иброҳим деб, яъни пайғамбарнинг исмини қўйиш мумкин эмас, бола кўтара олмайди. Шунинг учун исмини ўзгартириш керак», деди. Унинг сўзига кириб болага Сайфуллоҳ деган исм қўйганимиздан кейин ҳаммаси яхши бўлди. Бу боғлиқлик қанчалик ҳақиқатга яқин?

ЖАВОБ: Диний китобларимизда, ҳадисларда, фарзанд тарбиясига оид асарларда мусулмонларда болаларга пайғамбарларнинг исмини қўйиб бўлмайди, деган гап йўқ, аксинча қўйиш керак деган кўрсатмалар бор. 

Маҳалла-куй, қавм-қариндош, эл-юрт орасида Иброҳим, Исмоил, Довуд, Муҳаммад, Яъқуб каби исмлар ниҳоятда кўп. Мўмин-мусулмонлар болаларига мана шундай исмларни қўйишни фахр деб биладилар. Бу исмлар ҳадисларда келган ни-ҳоятда яхши исмлардир. Воқеъликнинг ўзи шуни кўрсатиб турибди. 

Агар саволда келганидай ҳар бир ўғил болага пайғамбарнинг исми қўйилса касал бўлиб, ҳушидан кетиб қоладиган бўлса, халқ ичида бу исмлар оммалашмаган, ҳатто мутлақо қўйилмайдиган бўларди. Демак, миллионлаб Иброҳимдан биттаси шу хатда айтилаётган ҳолатга тушиб қолса, бу барча Иброҳим исмлилар шундай бўлади, дегани эмас. Мана шу нарсани яхши англаб олиш керак. 

Энг муҳими, пайғамбарларнинг номини болаларга қўйиш гўзал иш экани, хайр-барака экани ҳадисларда, китобларда келган. Мана шу нарсани ўзимизга дас-тур қилиб олишимиз керак. 

Ёш бола бўлсин, катта одам бўлсин, дард, касал Аллоҳдан бўлади. Кимга, қачон, қандай касални беришни Аллоҳ таолони Ўзи билади. Бу инсоннинг исмига, турган жойига ёки бошқа нарсасига ҳеч қачон боғлиқ бўлмаган нарса. Бу хатдаги каби исмни ўзгартиргандан кейин боланинг яхши бўлиб қолиши тасодиф бўлиши мумкин ёки исмни ўзгартириш билан бирга яна даволаш чораларини кўрган бўлишлари мумкин ёки Аллоҳ таолони иродаси шунга кетган бўлиши мумкин, қолаверса, бу фитна ҳам бўлиши мумкин. «Фитна» дегани, яъни синов, бир нарсани нотўғри эътиқод билан қилса, ўшани тадбиқ этса, одам адашиши мумкин, бундан Аллоҳ Ўзи сақласин. 

Энг муҳими, динимизга зид бўлган нарсага эътиқод қилиб қўймайлик, нотўғри тушунчаларни ўзимизга диний ақида қилиб кўтариб олмайлик. ҳақиқатини билайлик. Аллоҳ таоло фарзандингиз Иброҳимга комил шифо берсин! (Аллоҳ билувчидир). 


Муаллиф
islom.uz
Мавзуга оид мақолалар
Ассалому алайкум, Шайх ҳазратлари. Баъзи биродарлар билан Мавароуннаҳрнинг фатҳ қилиниши масаласида бироз .тортишиб, қолдик. Улар юртимизга араблар босқинчилик давоми...

3797 21:44 / 25.04.2016
Ассалому алайкум Бир маърузада эшитиб қолдим. Маъноси бир аёл зино қилиб фарзанд кўраркан. Кейин у янги туғилган фарзандини ўлдираркан. Бу ишидан кейин қаттиқ давоми...

2857 12:06 / 17.11.2018
САВОЛ Ҳозирги кунда болалар туғилганида улар билан қўшилиб тушадиган йўлдошдан, яна шунга ўхшаш ҳомилани олдириб ташлаш пайтида чиқадиган чиқиндилардан дорилар давоми...

2755 18:47 / 26.04.2016
САВОЛ Ассалому алайкум, Шайх ҳазратлари Аллоҳ йўлида Ислом учун қилаётган хайрли ишларингизга Аллоҳ таоло кўплаб ажрларни бериб, мартабангизни бунданда зиёда давоми...

12095 16:34 / 27.04.2016
Аудиолар

118790 11:58 / 10.10.2018
«Ҳилол» журнали
Китоблар

40741 14:35 / 11.08.2021