1440 йил 18 жумадис сони | 2019 йил 23 февраль, шанба
Минтақа:
ЎЗ UZ RU EN AR
Ҳадис

Дўзахдан паноҳ сўраш (30-тавсия)

23:55 / 28.03.2017 4506 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Ҳорис ибн Муслим Тамимий розияллоҳу анҳудан ривоят қилинади:

«Набий соллаллоҳу алайҳи васаллам менга шундай дедилар: «Бомдод намозини ўқиб бўлганингдан кейин ҳеч нарса гапирмай туриб етти марта «Аллоҳумма, ажирний минан-наар» (Аллоҳим, мени дўзахдан сақлагин), дегин. Агар ўша куни вафот этсанг, Аллоҳ сенга дўзахдан паноҳ топишингни битиб қўяди. Шомни ўқиб бўлганингда кейин ҳам ҳеч нарса гапирмай туриб етти марта «Аллоҳумма, ажирний минан-наар», дегин. Агар ўша кеча вафот этсанг, Аллоҳ сенга дўзахдан паноҳ топишингни битиб қўяди», дедилар».

Насоий ва Абу Довуд ривоят қилишган. Лафз Насоийники. 

Анас ибн Молик розияллоҳу анҳудан ривоят қилинади:

«Расулуллоҳ соллаллоҳу алайҳи васаллам шундай дедилар: «Банда уч маротаба дўзахдан паноҳ сўраса, дўзах (тилга кириб): «Аллоҳим, уни мендан сақла», дейди. У жаннатни сўраса, жаннат (тилга кириб): «Аллоҳим, буни менга кирит», дейди».

Аҳмад ривоят қилган. 

Ушбу ҳадислардан олинадиган фойдалар:

1. Банда бомдод намозидан кейин дунёвий гапларни сўзламай туриб, етти марта «Аллоҳумма, ажирний минан-наар» деб, ўша куни вафотэтса, Аллоҳ уни дўзахдан сақлайди.

2. Банда шом намозидан кейин дунёвий гапларни сўзламай туриб, етти марта «Аллоҳумма, ажирний минан-наар» деб, ўша кечаси вафот этса, Аллоҳ уни дўзахдан сақлайди.

3. Банда уч маротаба дўзахдан паноҳ сўраса, дўзах тилга кириб: «Аллоҳим, уни мендан сақла», дер экан. 

4. Банда жаннатни сўраса, жаннат тилга кириб: «Аллоҳим, буни менга кирит», дер экан.

 

Муҳаммад Али Муҳаммад Юсуф тайёрлади



Муаллиф
islom.uz
Мавзуга оид мақолалар
Ёҳуд quotМулланинг айтганини қил, қилганини қилмаquotМен ҳар бир ёзган китобимбитигимни Абу Зуръа Розийга кўрсатганман. Агар у зот бирор ҳадисни бу иллатли, деса уни давоми...

1102 16:59 / 08.04.2016
Расулуллоҳ соллаллоҳу алайҳи васалламнинг ҳаётларини ўрганиш11қисм АХЛОҚ Давоми ТИЛИНГНИ, ҚАЛБИНГНИ ВА КЎЗИНГНИ САҚЛАБир киши Расулуллоҳ соллаллоҳу алайҳи давоми...

3289 02:37 / 16.03.2017
Муҳаммад соллаллоҳу алайҳи васалламга Ҳиро ғорида Қуръони каримнинг биринчи ояти нозил қилиниб, у зот пайғамбар бўлганларидан сўнг кишиларга ўзларига Аллоҳ давоми...

943 14:10 / 09 январь
Ибн Баттол .Саҳиҳи Бухорий,нинг .Илм, китобини шарҳлар экан, имом Моликнинг шогирди Яҳё ибн Яҳёдан1 шундай нақл қилади .Аллоҳ қалбимга солиб, имом Молик ибн Анаснинг давоми...

2332 14:54 / 22.09.2017
Видеолар

107 20:00 / 22 февраль
Аудиолар

9428 11:58 / 10.10.2018
Топ рейтинг www.uz Openstat