«Ҳазратни хотирлаб» кўрсатуви танловининг навбатдаги ғолиби аниқланди
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Фазилатли шайх Муҳаммад Содиқ Муҳаммад Юсуф роҳимаҳуллоҳнинг ибратли ҳаёт йўли ҳақида ҳикоя қилувчи «Ҳазратни хотирлаб» кўрсатувининг навбатдаги ғолиби аниқланди. Ҳайъат аъзолари томонидан танловнинг 50-сонидан 55-сонигача бўлган кўрсатувлар бўйича Фарғона вилояти Қува туманидан Абдураимов Абдумаликжон Хасанбой ўғли «Энг яхши фикр-мулоҳаза» танловининг ғолиби деб топилди.
Танлов ғолибига шайх ҳазратларининг шоҳ асарлари бўлмиш олти жилдлик «Тафсири Ҳилол» китоби совға қилинди.
Азизлар, «Ҳазратни хотирлаб» кўрсатуви танлови давом этади.
Ҳар учта сон оралиғида (яъни, 56-57-58-сонларига) ёзилган изоҳлардан ғолибликка муносиби саралаб олинади. Аввалгидек, бунда ҳам изоҳларнинг танлов шартларига мослиги эътиборга олинади.
Кўрсатувнинг навбатдаги сонларини томоша қилинг ва танлов ғолибига айланинг.
Танлов шартлари:
1. Кўрсатув ҳақида умумий фикрингиз.
2. Кўрсатувдаги энг ёққан хотира қайси бўлди?
3. Энг кўп манфаатли бўлган сон қайси бўлди?
4. Барча сонлардан олган 10 та хулосангиз.
5. Кўрсатув бўйича қандай таклиф ва мулоҳазаларингиз бор?
6. Ҳазрат билан боғлиқ сизнинг қандай хотирангиз бор?
Аллоҳ таоло хайрли ишларни давомли қилсин.
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
