Ислоҳни ўзимиздан бошлайлик
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Эр-хотин янги маҳаллага кўчиб ўтдилар. Эртаси куни улар нонушта қилиб ўтирганларида аёл қўшни хотиннинг ювилган кийимларни дорга илаётганини деразадан кўриб қолди ва «Кийимлар тоза эмас, аёл кир ювишни яхши билмас экан, эҳтимол унга сифатли совун керакдир» деди. Эри ташқарига қараб қўйди, лекин индамади.
Қўшни аёл ҳар сафар ювилган кийимларни қуритиш учун илаётганда аёл мазкур гапини такрорларди.
Орадан бир ой ўтиб, аёл қўшнининг уйи олдидаги арқонда тозалаб ювилган кийимларни кўриб ҳайрон бўлди ва эрига «Қаранг, қўшнимиз кийимларни тозалаб ювишни ўрганиб олибди, ким ўргатганини билмадим» деди.
Шунда эри: «Бугун эрта туриб деразамиз ойнасини артиб қўйдим» деди.
Бировнинг арқонидаги илинган кийимларни «Тоза ювилмабди» дейишдан аввал деразамиз ойнасининг тоза ёки тоза эмаслигига аҳамият берайлик.
Нозимжон Ҳошимжон
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
