1445 йил 11 зулқаъда | 2024 йил 19 май, якшанба
Минтақа:
ЎЗ UZ RU EN
Суннат ва замонавий илм

Ер юзидаги энг тез ҳаракатланувчи жонзот

15:04 / 23.01.2022 3902 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Аллоҳ таоло Қуръони Каримда шундай марҳамат қилади:

قُلِ انظُرُوا مَاذَا فِي السَّمَاوَاتِ وَالْأَرْضِ ۚ وَمَا تُغْنِي الْآيَاتُ وَالنُّذُرُ عَن قَوْمٍ لَّا يُؤْمِنُونَ

«Осмонлару ердаги нарсаларга назар солинглар. Иймон келтирмайдиган қавмларга оят(мўъжиза)лар ва қўрқитувлар фойда бермас», деб айт» (Юнус сураси, 101-оят)

Лочин ўзининг юқори тезликда парвоз қилиши сабабли ер юзидаги энг тезкор жонзот саналади. Чунки ўлжасига ҳужум қилаётган пайтда унинг тезлиги соатига тахминан 400 километргача етиши мумкин.

Лочиннинг ўзига хос хусусияти фақат бунинг ўзи эмас. Олимлар анчадан бери «Лочин юқори тезликда парвоз қилгани учун ҳосил бўладиган ҳаво босимига қарамасдан қандай қилиб ўпкаларининг ёрилиб кетмаслигига эриша олади?» деган саволни ўртага ташлайдилар.

Бу саволга «Лочиннинг бошидаги махсус тузилиш сабабли» деб жавоб берилади. Олимлар лочин тумшуғининг орқа қисмида майда суяк ўсимталарининг борлигини, лочин шу ўсимталар орқали тумшуғига, бурнига урилаётган ҳаво тўлқинларининг йўналишини ўзгартиради, бу эса тўлқиннинг хатарли ва ҳалокатли зарбасидан четланишга сабаб бўлади.

Лочиндаги бундай хусусият реактив двигателлар учун андоза бўлиб хизмат қилмоқда. Бундай двигателлар самолётни юқори тезликдан келиб чиқадиган босим кучларидан ҳимоя қилишда қўл келади.

Фақатгина бунинг ўзи эмас. Лочиннинг ажойиб парвози АҚШ армиясининг муҳандисларини машҳур Lockheed SR-71 Blackbird стратегик разведкачи, Northrop B-2 Spirit оғир махфий стратегик бомбардимончи самолёти ва бошқа «темир қушлар»ни ишлаб чиқаришга илҳомлантирди.

Хулоса.

- Лочинни ким яратди? Албатта, Аллоҳ таоло!

- Лочиннинг тумшуғидаги махсус суяк ўсимтани бурун тешигига ким жойлаб қўйди? Албатта, Аллоҳ таоло!

- Лочинга ўша суяк ўсимта воситасида ҳаво тўлқинини турли томонга йўналтириб, ўпкасини сақлаб қолиш имконини ким ато қилди? Албатта, Аллоҳ таоло!

- Лочинни ер юзидаги энг тез парвоз қилувчи жонзот қилиб яратган ким? Албатта, Аллоҳ таоло!

- Лочинга турли манёврлар қилиб учиш қобилиятини ким ато этган? Албатта, Аллоҳ таоло!

Инсон ҳамон Аллоҳ таолонинг яратганларидан андоза олишда давом этмоқда.

Аллоҳ таолонинг яратган махлуқлари борасида тафаккур қилсак, У Зотнинг азаматига, қудратига қойил қолиб, иймонимиз нури янада зиёда бўлиб, Роббимизга кўпроқ ихлос билан ибодат қиладиган бўламиз.

Сўзимизни мана бу оятлар билан якунлаймиз.

Аллоҳ таоло:

هَٰذَا خَلْقُ اللَّهِ فَأَرُونِي مَاذَا خَلَقَ الَّذِينَ مِن دُونِهِ ۚ بَلِ الظَّالِمُونَ فِي ضَلَالٍ مُّبِينٍ

«Бу Аллоҳнинг яратганидир. Қани, Менга кўрсатинг-чи, Ундан бошқалар нимани яратдилар. Йўқ! Золимлар очиқ-ойдин адашувдадирлар» (Луқмон сураси, 11-оят).

سَنُرِيهِمْ آيَاتِنَا فِي الْآفَاقِ وَفِي أَنفُسِهِمْ حَتَّىٰ يَتَبَيَّنَ لَهُمْ أَنَّهُ الْحَقُّ ۗ أَوَلَمْ يَكْفِ بِرَبِّكَ أَنَّهُ عَلَىٰ كُلِّ شَيْءٍ شَهِيدٌ

«Уларга ҳам уфқлардаги, ҳам ўзларидаги оят(белги)ларимизни яқинда кўрсатамиз. Токи, уларга унинг ҳақлиги равшан бўлсин. Роббинг ҳар бир нарсага шоҳид экани кифоя қилмасми?!» (Фуссилат сураси, 53-оят), деб марҳамат қилган.

Аллоҳ таоло бу оятда бизни ўраб турган борлиқда ва танамизда Ўзининг борлигига ва бирлигига далолат қиладиган далиллар, ишораларни келажакда намоён қилишини баён этяпти. Ушбу далиллар, ишораларни ўрганган ва улар ҳақида тафаккур қилганларга Қуръони Каримнинг ҳақлиги ва Муҳаммад соллаллоҳу алайҳи васалламнинг ҳақ пайғамбарликлари ойдинлашади.

Аллоҳ таоло барчамизни Ўзининг ҳидоятидан айирмасин ва хотимамизни чиройли қилсин!

Интернет маълумотлари асосида Нозимжон Ҳошимжон тайёрлади

Муаллиф
Нозимжон Ҳошимжон
Манба
islom.uz
Мавзуга оид мақолалар
Тананинг покланиши руҳни мустаҳкамлайди ва бу бандани Аллоҳга яқинлаштиради. Чунки Аллоҳ таоло покликни севади.Поклик mdash исломнинг асосий қисми бўлиб, унга давоми...

3078 16:30 / 19.12.2021
Пайғамбаримиз соллаллоҳу алайҳи васалламга 14 аср аввал маълум бўлган Австралиялик олимларнинг кашфиётиКўпларимиз, жазирама ёз кунларида иссиқ таом солинган давоми...

5969 11:00 / 28.07.2020
Мадина ndash хурмолари билан машҳур шаҳар. Мадина хурмолари ичида энг афзали .Ажва, хурмосидир. Ажва хурмоси ҳақида Расулуллоҳ соллаллоҳу алайҳи васалламдан кўп давоми...

11983 17:23 / 04.06.2021
Зайд ибн Холид розияллоҳу анҳудан ривоят қилади Набий соллаллоҳу алайҳи васаллам Агар умматимга машаққат бўлишини ўйламаганимда, албатта, уларни ҳар намоздан давоми...

5154 12:35 / 22.10.2018
Аудиолар

121598 11:58 / 10.10.2018
«Ҳилол» журнали
Китоблар

43063 14:35 / 11.08.2021