ЭЪЛОН
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Islom.uz портали томонидан Алишер Навоий таваллудининг 580 йиллигини муносиб нишонлаш мақсадида ташкил қилинган «Арбаъин» мусобақасининг биринчи куни якунланди.
Якшанба 7 февраль куни соат 9:00 да эркаклар ўртасидаги мусобақа бошланади. Шу куни ғолиблар аниқланиб, мукофотлар ва эсдалик совғалар топширилади.
Эслатиб ўтамиз, танлов икки йўналишда ўтказилади.
Биринчи йўналиш:
— тўртликларни ифодали ёддан айтиш.
— ҳадисларнинг ўзбекча таржимасини ёд олган ҳолда айтиб бериш.
Иккинчи йўналиш:
— ҳадисларнинг ўзбекча ва арабча матнини ҳамда ровийсини ёддан айтиш.
— тўртликни ифодали ёд олган ҳолда айтиб бериш.
Ҳар икки йўналишда ҳам иштирокчилар билет танлашади. Ҳар бир билетда тўртта рақам бўлади. Иштирокчилар шу рақам остидаги ҳадис ва тўртликни барчасини ёддан айтиб беришлари керак.
Ушбу тадбирга рўйхатдан ўтган иштирокчилар киришади.
«Арбаъин» танлови «Ҳилол-нашр» нашриётининг мажлислар залида бўлиб ўтади.
Манзил: Тошкент шаҳар, Чилонзор тумани, Сўгалли ота 5-уй.
«Арбаъин» танлови мусобақаларини islom.uz порталининг ижтимоий саҳифалари орқали кузатиб боринг.
Аллоҳ таоло хайрли ишларимизни бардавом қилсин!
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
