МУРОЖААТНОМА
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Ассалому алайкум, қадрли мўмин-мусулмонлар!
Маълумингизки, Тошкент вилояти вакиллигининг бош имом-хатиби Хайруллоҳ домла Турматовнинг икки ҳафтадирки тоблари йўқ. Айни дамда шифохонада муолажа олмоқдалар.
Домланинг вилоятимиз имом-хатиблари, имом ноиблари, жоме масжидларимиздаги ҳар бир масъул ходимлари ҳамда қалблари Аллоҳнинг байтига боғланган қадрли қавмларига эҳтироми баланд ва юксак эди.
Фаолиятлари давомида жоме масжидларимизни обод ва кўркам, намозхонларни ибодат қилишлари учун муносиб ва замонавий шарт-шароитларга эга бўлиши йўлида тиним билмай меҳнат қилаётган эдилар.
Домламизнинг салмоқли хизматлари ва бугунги ҳолатлари эътиборидан кундалик беш вақт фарз намозларидан сўнг жамоа бўлиб дуо қилсак.
Аллоҳ таоло Хайруллоҳ домламизга комил шифо ато этиб, улар интизор бўлиб ётган ва уларга интизор бўлиб турган меҳрибон Онажонлари ва оилалари бағрига соғ-у саломат қайтиб, шарафли хизматларини узоқ йиллар давом эттирсинлар.
Амин.
Ҳурмат ила,
Оила аъзолари ва ходимлари номидан ўринбосарлари Нурали Мавланов.
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
