1445 йил 1 зулқаъда | 2024 йил 09 май, пайшанба
Минтақа:
ЎЗ UZ RU EN
Уйда қолинг

Тафаккур қилайлик ёки карантинда нималарга улгурдим

11:09 / 26.07.2020 2160 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Сершовқин кўчаларни, ҳар куни яқинингдек ҳол-аҳвол сўрагувчи тенгдошларни, қучоқ очиб бизга билим берувчи устозларни эслаган сайин юрагинг бир энтикади. Ўша дамларни қанчалик соғинганимни сезаман. Aфсуски, карантин туфайли уларни кўришга имкон топа олмадим.

Бу касаллик биз учун берилган синовдир. Буни албатта Aллоҳ таоло илоҳий ҳикмати билан яратгандир. Aхир карантиннинг ҳам яхши ва ёмон томонлари борку. Масалан бир неча йиллардан бери емирилиб бораётган атмосферадаги азон қатлами шу карантин даврида қайта ўнгланди, вирус туфайли дунёнинг 45 жойида авж олиб бораётган уруш барҳам топди, йирик шаҳарлардаги ифлосланган ҳавонинг 75 фоизи тозаланди. Шунингдек, биргина вирус дунёдаги барча инсонлар тенг эканлигини исботлади, дунёнинг кўринишини тубдан ўзгартирди.

Жимитдек вирусдан қўрқиб, инсонлар тозаликка ҳаддан зиёд эътиборли бўлиб қолишди, сувдан ва совундан фойдаланиш, шахсий гигиена юқори чўққига чиқди. Балки, кўринмас ёвнинг пайдо бўлиши ортида ҳам биз яхши англамайдиган ҳикмати бордир.

Шахсан мен карантин даврида узоқ вақтдан бери улгурмаётган барча ишларимни якунладим, инглиз ва рус тилларини ўрганаяпман, «Hilol eBook» дастури орқали электрон тарзда чиқаётган 31 дона китобни ўқидим, жаҳон ва ўзбек адабиётининг нодир асарларини тамомладим, диний ва дунёвий билимларим анча кенгайди. 

Aлбатта, коронавирус пандемияси сабаб юзага келаётган зиён-зарарлар жуда улкан. Айниқса, энг ёмони инсонлар ҳаётига раҳна солаётганидир. Бу касалликни ҳақиқатда 21 асрнинг вабоси десак муболаға бўлмайди.

Азиз юртдошлар, дўстлар, тафаккур қилайлик буларнинг барчаси Яратганнинг бизга берган синовидир. Вақт борида Aллоҳнинг берган неъматларидан унумли фойдаланайлик, синовларга бардошли бўлайлик. Биз вирусни бирга енгамиз. Эркин, карантин ва чекловларсиз ҳаётга қайтамиз. Иншааллоҳ, яхши кунлар ҳали олдинда.

Манба: grandtalim

Мунира Умаралиева

Мавзуга оид мақолалар
Инсон умри давомида кўп неъматларнинг қадрига етмайди. Бетоб бўлмагунимизча соғликнинг, нотинчлик бўлмагунича тинчликнинг, ўлим эшик қоқмагунича ҳаётнинг... давоми...

2635 15:08 / 02.10.2020
Ассалому алайкум. Онаман. Она боласини ҳимоя қилади, асрайди, у учун жонини беришга тайёр бўлади. Лекин бу синов олдида яна ожиз эканлигимни ҳис қилдим. Фарзандман. давоми...

2447 15:30 / 27.07.2020
12. 261 ҳижрий йил У йилда Африкада, Шом ва Андалусия шаҳарларида шиддатли қимматчилик бўлди ва бошка шаҳарларда оммалашиб кетди. Унга кучли ўлат ва вабо уланиб давоми...

2764 17:05 / 16.07.2020
Пандемиянинг тугаши вакцинага боғлиқ бўлса, вакцина қачон тайёр бўлади Вакцина яратиш бўйича ҳозиргача бирор натижа бўлдимиБир нарса аниқ дунё бўйлаб, хусусан, давоми...

3904 17:04 / 18.07.2020