1445 йил 19 Рамазон | 2024 йил 29 март, жума
Минтақа:
ЎЗ UZ RU EN
Мақолалар

Инсонга бойлик нима учун берилади?

16:05 / 27.08.2019 3688 pdf Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Аллоҳ мол-дунё (бойлик)ни ибодатларни вақтида адо қилиш ва закот бериш учун туширган. Аллоҳнинг мол-давлати ҳайвоний нафс – фақат еб-ичиш ва лаззатланиш учун берилмаган. Бойлик, мол-дунё, ризқ-насиба Аллоҳники ҳисобланади. Шунга ишонган инсонгина ҳақиқий мўмин ва шокир банда даражасига эришади.

Агар инсон “Мол-дунё, неъматни ўзим қўлга киритдим, неъмат менга ўз кучим соясида берилди”, “Бойликка ўз илмим билан эришдим” (Қосос, 78) дея худбинларча ўйласа ва ўзига бино қўйса, ҳақиқий Ғаний Зотни инкор этишга уринса, Қуръони каримда келтирилган ношукрлар, нонкўр ва андишасизлар  тоифасига киради.  Агар бойлик, мол-давлат, тўкин ҳаёт ишқибозлиги кишини Аллоҳга бандалик қилиш ва инсоний фазилатлардан узоқлаштирса у дунёдаги энг разил кимсага айланади.

Бир ҳадиси қудсийда Аллоҳ таоло шундай марҳамат қилади:

“Бойликни намоз ўқиш ва закот бериш учун туширдим. Одам боласининг бир водий (тўла) бойлиги бўлса, иккинчисини ҳам истайди. Шояд икки водий (тўла моли) бўлса учинчисини ҳам истайди. Одам боласининг қорнини тупроқдан бошқа ҳеч нарса тўлдиролмайди. Аллоҳ тавба қилганни кечиради”.

Аллоҳ мол-давлат билан сийлаган кимса устидаги бандалик ҳақини адо этмаса, унинг учун  ернинг ости афзалроқ. Инсон Роббисини, Яратувчисини таниш, унга имон келтириш, Уни севиш, Уни зикр этиш учун яратилган. Инсоннинг ички дунёси (кўнгли) иймон, илм ва ҳикмат учун яратилган. Лекин баъзи нодонлар кўнгил дунёсини Аллоҳнинг Биру Борлиги, муборак исмлари, гўзал сифатлари, буйруқларидан маҳрум этиб, ўткинчи дунёнинг мол-дунёси муҳаббати билан тўлдирадилар. Шунга қарамай кўнгиллари тўлмайди. Ўзи ва мол-дунёсининг асл манбаси бўлган тупроққа қайтгунларича фақирлик, очкўзлик ва мол-дунёга ҳирсмандликдан фориғ бўлолмайдилар.


Таржимон
Умида Адизова
Мавзуга оид мақолалар
Тарихчи Ҳеродотнинг сўзларига кўра, қадимги Миср халқи дунёнинг энг художўй кишилари бўлган. Аммо улар ҳақ динга эмас, балки бузуқ бир динга, кўпхудоликка эътиқод давоми...

6514 21:03 / 13.12.2018
Молик ибн Динордан ривоят қилинади .Бир қўшним бор эди. Фаҳш ишлар билан шуғулланарди. Қўшнилар менинг олдимга келиб, унинг устидан шикоят қилишди. Биз унинг давоми...

2770 07:00 / 08.01.2019
Оиша розияллоҳу анҳодан ривоят қилинади.Набий соллаллоҳу алайҳи васаллам қачон охирги ўнлик кирса, белни маҳкам боғлаб, кечани тирилтирар ва аҳлларини уйғотар давоми...

1277 17:00 / 18.05.2020
Нуҳ ибн Иброҳим қизини турмушга бермоқчи бўлиб, мажусий қўшнисидан маслаҳат сўрабди. Қўшниси Во ажабо Ҳамма сендан маслаҳат сўрайди, сен эса мендан маслаҳат давоми...

2700 06:05 / 08.11.2018
Аудиолар

118776 11:58 / 10.10.2018
«Ҳилол» журнали
Китоблар

40727 14:35 / 11.08.2021