Ал-Азҳарда халқаро Қуръон мусобақаси ўтказилади
Мисрнинг дунёга машҳур Ал-Азҳар университети Уламолари олий кенгаши томонидан Қоҳирада халқаро Қуръон карим мусобақаси ўтказилади. Бу ҳақда IQNA хабар берди.
Уламолар олий кенгашининг бош котиби Аббос Шуман ушбу хабарни тасдиқлаш билан бир қаторда, мусобақага дунёнинг турли давлатларидан турли ёшдаги энг кучли ҳофизлар таклиф этилиши ва улар Каломуллоҳнинг ҳар хил йўналишлари бўйича ўзаро куч синашишларини таъкидлаб ўтди. Шунингдек, Аббос Шуман тез кунларда мусобақанинг ташкил этилиш тарихи, жойи ва унда иштирок этиш тартиби ҳақида қўшимча маълумотлар эълон қилинишини ҳам эътироф этди.
Хабарларга қараганда, 2019 йилнинг май ойида Уламолар олий кенгаши томонидан “Исломий илмларда модернизм” мавзусида халқаро конференция ташкил этиш ҳам режалаштирилган.
Islom.uz портали таҳририяти
© islom.uz 2003-2024.
Барча ҳуқуқлар ҳимояланган. Сайтдан маълумот олинганда манба кўрсатилиши шарт.
Email: admin@islom.uz
Telegram: @portalislomuzadmin_bot
Ўзбекистон, Тошкент, 100185
Сўгалли ота кўчаси, 5-уй
